2 Samuel 7:10 - Bible in Tzeltal de Oxchuc y Tenejapa

¹⁰ Soc xan la jchajbanbeyix yawil yu'un te lum Israel cu'une. Tey la cac' ainuc a, swenta yu'un ya me xnainic ta mero yawilic, te banti ma'yuc mach'a ya xju' ya x'uts'inotic yu'une. Ni ya xju' ya x'ac'bot swocolic xan yu'un te mach'atic amen yat'elic, jich bit'il ta namey ta xjajch'ibal

Bible in Tzeltal Bachajón

¹⁰ Soc ya ca'be jun lugar te Israel te pueblo cu'un soc ya cac' te jc'axel ya xnahinic tey a, mayuc bin ora ya x'uts'inotic yu'un te mach'atic chopol ya'telic, hich te bin ut'il ta shahchibal

2 Samuel 7:10 ပူးပေါင်းရင်းမြစ်များ

2 Reyes 21:8

Ma ba ya jch'ojix loq'uel te israeletic tey ta q'uinal la cac'bey te antiguo sme'-statique, teme ya yaq'uic c'otuc ta pasel te bila mandalil la calbeye, soc spisil te bitic snopjibal ac'botic yu'un te cabat Moisés”, te xie.

1 Crónicas 17:9

Soc ay jchajbanejbey sq'uinal te lum Israel cu'une. Tey najc'ajemix cu'un a te ya xcuxinic tey a ta bay yu'uninejique. Ma'yuc mach'a ya x'uts'inotiquix yu'un, ni te mulawiletic ya yac'beyic xan swocol jich bit'il ta neelal,

2 Crónicas 33:8

Ma ba jloq'ues xan ta q'uinal te israeletic ta bay la cac' te antiguo sme'-statique, teme ya xch'uunbonic spisil te jmandal caloj soc spisil te p'ijubtesele, te mandaliletic soc te bila chapalic cu'un te cac'ojbeyix ta swenta Moisés”, te xie.

Salmos 44:2

Ja'at yat'el ac'ab te la aloq'ues bael te mach'atic ma ba xch'uunejate, la awac'bey castigo te nacionetique, ja'at la anajc'an ta sq'uinalic te me'il-tatiletique.

Salmos 44:4

Muc' ajwalilat cu'untic, Diosat cu'untic, ja'at la awac' ta tsalaw te lum awu'une;

Salmos 80:8

Ta Egipto la aloq'ues tel jun ts'usubil; la ach'oj loq'uel te mach'atic ma ba xch'uunejate, ja' la ats'un tey a te ts'usubile.

Salmos 80:9

La awaq'uentaybey te sq'uinalile, c'ub yisim tey a, jich noj yu'un spamal te q'uinale.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Éxodo 15:17

Ja'at Cajwal, ic'awotic bael, ac'a ainucotic ta ch'ul wits awu'un, te la atsa ta bay ya xnainate, ta ch'ul awilal te la awac' ipajuque.

Isaías 5:2

La swuy te lum, la sloq'ues te tontiquil, soc la sts'un ts'usubetic ta bay tsabil ta leque. Ta yolilal ta bay ts'unbil te ts'usube la spas jajch'el toyol sts'ajc' swenta iljibal q'uinal, soc la xchajbanbey yawil ta bay ya yich' pits'el loq'uel te ya'lel ts'usube. Te mach'a jun co'tan jba soque yac ta smaliyel te ya xchi'uc te sit ts'usube; ja'uc me to, te sit la yaq'ue, pajic.

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Isaías 60:18

Ta alumal ma me x'aiyotix stojol te uts'inele; ni ma me ayuc xan jinel soc lajinel ta aq'uinal. Ja'uc me to: “Colel”, me ya xc'ot sbiil awu'un te ats'ajc'ule; te yochibalic ats'ajc'ule: “Bin nax yutsil te Diose”, xi' me sbiilic awu'un.

Isaías 60:21

“Spisil te alumale lec me yo'tanic ya xc'ot; ja' me yajwalic sbajt'el q'uinal te alumale. Ja' spulic te te' te jo'onix la jts'un jtuquele; ja' te at'el la jpas soc te jc'abe, yu'un jich ya cac' ta ilel te cutsilale.

Jeremías 18:9

Soc ta yan buelta teme ya jnop te ya jpas yan nación, soc te muc' ya xc'ot cu'un,

Jeremías 24:6

yacon ta scanantayel, soc ya me sujt'es tel li' ta q'uinal to. Li' ya cac' esmajuc, soc ma ba ya jcha'jin xan; ya jts'un, ma ba ya jcha'bul xan.

Ezequiel 28:24

‘Te Israel ma ba ya xcha'c'axix swocol, ma ba ya xc'axix swocol yu'un xc'uxul julawal ch'ixetic c'oem, ja' me te ilayel yu'un te lumetic ayic ta sjoyobale. Jich me ya sna'ic spisil ants-winiquetic te jo'on Ajwalilone’, xi' me”, uta me —xi' te Cajwaltique.

Oseas 2:18

“Te c'alal ya sta yorail ya me jpas trato soc te ja'mal chambalametique, te ja'mal mutetic soc te chanetic, ta swenta xc'uxtayel te lum Israel. Ya me jloq'ues ta yolil lum te t'im, te puñal soc spisil guerra, swenta yu'un jun nax me yo'tan ya xcux yo'tan te lum cu'une.

Amós 9:15

Jo'on me ya jts'un ta mero slum-sq'uinalic te israeletique, soc ma ba ya yich' xan bulel loq'uel ta bay lumq'uinal te la cac'beye —xi'. Jich tulan ya yal te Cajwaltic Diose.

Apocalipsis 21:4

Soc ya me scusbot ya'lel sitic yu'un te Diose. Soc ma'yuquix te lajele soc te oq'uele soc te mel-o'tane soc te bila ay xc'uxule. Yu'un te bila ay ta neelale, ch'ayix bael ta spisil”, xi' la caiy.

Jueces 4:3

Te Jabín ay jo'winic yoxbajc' (900) carreta-taq'uinetic yu'un. Jtab ja'wil la yac'bey buen tulan woclajel te israeletic, ja' to c'alal la yalbeyic wocol te Cajwaltic te yacuc xcoltayotic yu'une.

1 Samuel 13:17

Pero oxchajp soldadoetic loq'uic jajch'el ta campamento yu'un te filisteoetic: jchajp tojic bael ta Ofra ta sq'uinal Sual,