2 Samuel 6:7 - Bible in Tzeltal de Oxchuc y Tenejapa

⁷ Pero ma ba lec la yaiy te Cajwaltic te bila jelaw ta spasel te Uza. Tey lajinbot xcuxlejal ta ora a, yal ta lum ta xujc' te cajón yu'un Dios, toj lajel.

Bible in Tzeltal Bachajón

⁷ Pero tihl yilimba Jehová ta stojol te Uza. Ehchentesot yu'un Dios scaj te ma ba la yich' ta muc'; tey cham a ta sts'ehl te scaxahul te chapbil-c'op yu'un Dios.

2 Samuel 6:7 ပူးပေါင်းရင်းမြစ်များ

2 Samuel 6:8

Te David bolob yo'tan yu'un te la slajinbey xcuxlejal Uza te Cajwaltique. Ja' yu'un te q'uinale: Perez-uzá la yac'bey sbiilin. Jich sbiilinej c'alal ora te lugare.

1 Crónicas 13:10

Ja'uc me to, te Cajwaltic c'ajc'ub yo'tan ta stojol te Uza, te bit'il la yac' bael sc'ab ta stojol te cajón, jich la yac' lajuc.

1 Crónicas 15:13

Te sbabial buelta ma ja'uquex te la apasique. Jich yu'un te Cajwaltic Dios cu'untic ay mach'a la spojbey xcuxlejal, yu'un ma neeluc la jojc'obeytic, jich te bit'il nix ay te mandal yu'une —xi'.

1 Crónicas 15:2

Jich la yal mandal: —Ma me yanuc mach'a ya stic' sba a te yat'el levitaetic, ja' nax me stuquelic ya yich'ic bael te cajón yu'un Dios. Melel te Cajwaltic ja' stsaoj stuquel te levitaetic, te ja'ic ya yich'ic bael te cajón yu'un Cajwaltic, soc ja'ic me ayic ta abatinel yu'un spisil ora stuquelic —xi'.

Números 1:51

Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

1 Samuel 25:38

Ta slajunebal c'aal a ticunbot xan tulan chamel ta stojol yu'un te Cajwaltic, laj ta jc'axel te Nabal.

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.