2 Samuel 5:7 - Bible in Tzeltal de Oxchuc y Tenejapa

⁷ Pero te David ju' yu'un te la yu'unin te anjibal ta Sión, ja' te Lum-yu'un-David sbiil ta ora in to.

Bible in Tzeltal Bachajón

⁷ Pero te David la yu'untay te tulan ahnibal ts'ahc ta Sión, ha te Pueblo yu'un David.

2 Samuel 5:7 ပူးပေါင်းရင်းမြစ်များ

2 Samuel 5:8

Te David jich la yal yu'un: —Spisil te mach'atic ya xba yac'beyic guerra te jebuseoetic, ac'a ochuc bael ta pasbil beja' ta ye'tal lum, ac'a smil te ma'sitetic soc coxoetic ya yal sbaique. Ja'ic te mero ilaybilic cu'un ta spisil co'tane —xi'. Tey jajch'em a te jich albile: “Te ni ja'uc te ts'o'sitetic, soc ni ja'uc te coxoetic ya xju' ya x'ochic ta templo yu'un Cajwaltic”, te xie.

2 Samuel 5:9

Patil te David tey jilix ta nainel ta anjibal, Lum-yu'un-David sbiil c'ot yu'un. La spasbey sts'ajc'ul ta sjoyobal, jajch' ta banti yich'oj pamanel, c'ot c'alal ta sna ajwalil.

2 Samuel 6:10

Melel ma la sc'anix la yich' bael ta Lum-yu'un-David te cajón yu'un Cajwaltic, ja' yu'un la yal mandal te ya yich' bael ta sna Obed-edom, jtul winic talem ta Gat.

2 Samuel 6:12

Albot yaiy te muc' ajwalil David te ac'botix bendición te mach'atic ay yu'un te Obed-edom soc spisil te bila ay yu'un ta swenta te cajón yu'un Cajwaltic. Ja' yu'un te David ba yich' tel te cajón ta sna Obed-edom. Soc bayal sbujts' yo'tanic ta spisilic la yich'ic c'axel ta Lum-yu'un-David.

2 Samuel 6:16

Te c'alal c'ot yu'unic ta Lum-yu'un-David te cajón yu'un Cajwaltic, te Mical, te yantsil-nich'an Saúl, la yil ta ventana. C'alal la yil te muc' ajwalil David te yac ta wilel soc yac ta beel ajc'ot ta stojol te Cajwaltic, mero ma lecuc yo'tan yu'un.

1 Reyes 2:10

Laj David, c'ot ta muquel ta Lum-yu'un-David, ta banti mucul te mach'atic ay yu'un te c'axiquix ta q'uinale.

1 Reyes 3:1

Te Salomón la snialmamalin te faraón te muc' ajwalil ta Egipto. Melel nujbin soc te yantsil-nich'ane. La yic' bael tey ta Lum-yu'un-David te jayeb xan c'aal yac ta sju'tesel te snae, te templo yu'un Cajwaltic, soc te sts'ajc'ul ta sjoyobal Jerusalén.

1 Reyes 8:1

Te Salomón la stsob ta Jerusalén te mamaletic yich'oj yat'elic yu'un Israel, soc te jwentainwanejetic yu'un te juju-jchajp sts'umbalic, ja' te mach'atic ich'bilic ta muc', yu'un ya yich'ic c'axel te scajonil trato yu'un Cajwaltic, ya xjajch' ta Sión te ja' nix te Lum-yu'un-David.

1 Reyes 9:24

Te yantsil-nich'an faraón jajch' bael ta Lum-yu'un-David, c'ax bael ta sna, te pasbot yu'un Salomón. Jich jajch' spaman te lum te Salomone.

1 Crónicas 11:7

Ta patil och ta ainel tey a te David ta bay yutil anjibal ts'ajc', jich Lum-yu'un-David c'ot sbiil yu'unic.

2 Crónicas 24:16

Tey ba smuquic ta bay Lum-yu'un-David ta bay smuquenal te muc' ajwaliletic, melel lec la yac' sba ta stojol te slumal Israel soc ta stojol Dios soc te templo yu'une.

2 Crónicas 5:2

Jich yu'un te Salomón la stsob ta Jerusalén te mamaletic yich'oj yat'elic yu'un Israel, soc spisil te jtsobwanejetic yu'un ta chajbalchajp sts'umbal te israeletic, soc te jwolwanejetic cajal sc'oplalic ta chajbalchajbe, yu'un ya xba sc'asesic bael scajonil trato yu'un Cajwaltic te ay ta Sión, ja' te Lum-yu'un-David.

Nehemías 3:15

Salum snich'an Colhoze, ajwalil yu'un te smaquen q'uinal Mizpa, la xcha'pasbey xan te yochibal lum Sloq'uibja' sbiile. La xcha'pas xan, soc la spasbey yaxibal, soc la yac'bey sti' soc syaweal soc pasador, soc la xcha'pas xan te sts'ajc'ul te estanque yu'un Siloé, te nopol ay soc Ts'unbil Nichimaltic yu'un muc' ajwalil, c'alal ta cajal caj tejc'abal te coem tel ta muc'ul Lum-yu'un-David.

Salmos 132:13

Te Cajwaltic ja' tsabil yu'un te wits Sión; la stsa yu'un ya xnain tey a.

Salmos 2:6

“La caq'uix ta mandalteswanej te muc' ajwalil cu'une, ta bay ch'ul wits Sión cu'un”, xi' me.

Salmos 48:12

Beenanic ta sjoyobal Sión, ajtaybeyaic te toyol ts'ajc' swenta iljibal q'uinal ay ta sba te sts'ajc'ule;

Salmos 48:3

Te Diose ay ta palacioetic ta Jerusalén; Te Diose la yaq'uix sba ta na'el te ja' mero anjibale.

Salmos 51:18

Pasbeya bila lec ta stojol te Sión ta swenta yutsil sc'anjel awo'tan; cha'pasbeya xan sjoyob sts'ajc'ul te lum Jerusalén.

Salmos 87:2

Te Cajwaltic c'ux ta yo'tan te ti'nailetic yu'un Sión; c'axem jich c'ux ta yo'tan a te bit'il spisil nanatic yu'un Jacob.

Salmos 9:11

C'ajintaya ta c'ayoj te Cajwaltic, te yac ta mandal ta Sión; albeya yaiy spisil lumetic te bila spasoje.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Isaías 59:20

Ya me xtal yac' ta libre Sión soc spisil mach'atic sts'umbal Jacob te ya sujt'es yo'tanic yu'un te smulique. Jich ya yal te Cajwaltique.

Jeremías 21:13

“Ja'at lum te toyol ayat yu'un te xatal q'uinale, jichat bit'il muc'ul najt'il ton ta spamlej, jo'on Ajwalilon, jamal ya cal te ya jcontroinate. Ja'ex ya awalic: ‘¿Mach'a c'an yac'botic guerra? ¿Mach'a c'an ju'uc yu'un ya xc'ot c'alal ta anjibal cu'untic?’ te xaexe.

Miqueas 4:2

Ya xtal bayal ta jchajp nacionetic, jich me ya yalbey sbaic: —La'ic, ya xmootic bael ta wits yu'un te Cajwaltique; ya xmootic ta templo yu'un te Dios yu'un Jacob. Ja' me ya yac'botic quiltic te beetic yu'une; jich me ya xju' xbeenotic ta bay ch'in beetic yu'une —xi'. Melel ta Sión ya xloc' tel te p'ijubtesjibal yu'un te Cajwaltique; ta Jerusalén ya xtal te sc'ope.

Romanos 9:33

Jich bit'il ts'ibubil ta Sjun te Diose: “Jo'on ya cac' ta bay wits Sión te ton swenta c'ojch'injibale, soc te ton te ya xyaleswane. Te mach'a jayeb ya xch'uunique, ma'yuc bi ora ya staic q'uexlal yu'un”, te xie.

Hebreos 12:22

Yan te ja'exe tey noptsajemex bael a ta bay wits Sión soc ta bay te muc'ul lum yu'un te cuxul Diose, ja' bi, ja' te Jerusalén swenta te ch'ulchane, soc ta bay tsobol ta jmil te ch'ul abatetique,

Apocalipsis 14:1

Patil ay yan la quil. Ja' te Alalchij teq'uel ta bay sba te wits Sione. Sjoinej tey a te waxaclajunwinic ta jbajc' (144,000) ta jtul te ts'ibubil ta stibaic sbiil te Alalchije soc sbiil te State.