2 Samuel 5:6 - Bible in Tzeltal de Oxchuc y Tenejapa

⁶ Te muc' ajwalil David soc te swinictac bajt'ic ta Jerusalén, ja' ba yac'beyic guerra te jebuseoetic te tey nainemic a. Te jebuseoetic la scuyic te ma ba ya xju' ya x'och te David ta lume. Jich la yalbeyic: —Ja'at ma xju' ya x'ochat li'to, melel tic' a te ts'o'sitetic soc coxoetic te ma xyac'at ochele —xiic.

Bible in Tzeltal Bachajón

⁶ Te ajwalil soc te winiquetic yu'un bahtic ta Jerusalén, la ya'beyic guerra te jebuseohetic te nahinemic tey a, hich halbot yu'unic: Ma xhu' ya x'ochat li'i, como te ts'o'sitetic soc coxo'etic ya xhu' ya stenat loq'uel, xchihic. La scuyic te ma xhu' ya x'och te David.

2 Samuel 5:6 ပူးပေါင်းရင်းမြစ်များ

Génesis 14:18

Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

2 Samuel 22:30

Ta swenta bit'il ya acoltayon ya jtsal te jcontro; jich ya xc'axon ta sbaba sts'ajc'ul te lumetic yu'unique.

Proverbios 21:22

Te mach'a ay sp'ijile ya xju' ya yac'bey guerra te jpam lum te buen scanantayej sbae, ya me slajinbey te yip te yich'oj sba ta muc' soque.

Jeremías 21:13

“Ja'at lum te toyol ayat yu'un te xatal q'uinale, jichat bit'il muc'ul najt'il ton ta spamlej, jo'on Ajwalilon, jamal ya cal te ya jcontroinate. Ja'ex ya awalic: ‘¿Mach'a c'an yac'botic guerra? ¿Mach'a c'an ju'uc yu'un ya xc'ot c'alal ta anjibal cu'untic?’ te xaexe.

Jeremías 37:10

Manchuc me ya atsalic spisil te soldado-caldeoetic te yac ta yaq'uel guerra, jtul cheb xanix ya xjil ta ejch'en stuquelic ta scampamentoic; ja'uc me to, te soldado-caldeoetic ya me sjajch'ic tel, soc ya me xchiq'uic jilel te lume —xi'.

Hebreos 7:1

In te Melquisedeque, ja' namey q'uinal muc' ajwalil yu'un te lum Salem soc sacerdote yu'un te Ch'ul Dios te ay ta ch'ulchane. Te c'alal sujt' tel te Abrahame te xc'otuc stsal jilel ta guerra te muc' ajwaliletique, te Melquisedeque loc' sta ta be te Abrahame. Tey la yac'bey bendición a.

Josué 10:3

Ja' swentail te Adonisedec la sticunbey c'op te ajwaliletic, ja' te Hohan yu'un lum Hebrón, Piream yu'un lum Jarmut, Jafía yu'un lum Laquis, soc Debir yu'un lum Eglón. Jich la yalbey:

Josué 15:63

Te sts'umbal Judá ma ju' yu'unic sloq'uesel ta Jerusalén te jebuseoetic te nainemic tey a. Ja' yu'un c'alal ora yo'tic nainemic ta Jerusalén soc te sts'umbal Judá.

Josué 18:28

Zela, Elef, Jebús (ja' te Jerusalén), Gabaa soc Quiriat, ay chanlajuneb lumetic soc ch'in lumetic yu'unic. Ja' te sq'uinalic te c'ot ta swentaic te jayeb ta jchajp sts'umbal Benjamín.

Jueces 1:21

Yan te sts'umbal Benjamín ma ju' yu'un sloq'uesel te jebuseoetic te nainemic ta Jerusalén. Ja' yu'un ta ora to, te jebuseoetic pajal nainemic ta Jerusalén soc te sts'umbal Benjamín.

Jueces 1:8

Te sts'umbal Judá la yochintayic Jerusalén, la yich'ic. C'alal laj yo'tanic ta smilel ta puñal spisil, ora la xchiq'uic te lume.