2 Samuel 5:4 - Bible in Tzeltal de Oxchuc y Tenejapa

⁴ Lajuneb xcha'winic (30) ya'wilal a te David te c'alal och ta muc' ajwalile. Cha'winic (40) ja'wil jalaj ta muc' ajwalil.

Bible in Tzeltal Bachajón

⁴ Ay lajuneb scha'winic (30) ya'bilal a te David te c'alal och ta ajwalil. Halaj ta ajwalil cha'winic (40) ha'bil.

2 Samuel 5:4 ပူးပေါင်းရင်းမြစ်များ

Génesis 41:46

Lajuneb xcha'winic (30) ya'wilal a te José te c'alal ic'ot ta stojol faraón. Te José la spatbey jilel yo'tan te faraón, la yoclin spamal sq'uinal Egipto.

1 Reyes 2:11

C'ax ta muc' ajwalil ta Israel cha'winic (40) ja'wil. Och ta muc' ajwalil juqueb ja'wil ta Hebrón, soc oxlajuneb xcha'winic (33) ja'wil ta Jerusalén. Jich cha'winic (40) ja'wil c'ot ta spisil.

1 Crónicas 26:31

Te c'alal cha'winiquix (40) ja'wil ay ta muc' ajwalil a te David, la yich'ic ilel sjunic ta cajalcaj yal-snich'an sts'umbal Hebrón. La yich' tael tey a te ay winiquetic yu'unic te bayal yip yo'tanic te ayic ta lum Jazer ta sq'uinal Galaad. Te jwolwanej yu'un te mach'atic sts'umbal Hebrón, ja' te Jerías.

1 Crónicas 29:27

Cha'winic (40) ja'wil ay ta muc' ajwalil ta sq'uinal Israel, juqueb ja'wil mandalaj ta lum Hebrón, soc oxlajuneb xcha'winic (33) ja'wil ta Jerusalén.

1 Crónicas 3:4

Ja'ic te swactulul snich'nab David te ayinic ta Hebrón, ta bay mandalaj juqueb ja'wil soc waqueb u. Ta patil mandalaj oxlajuneb xcha'winic (33) ja'wil ta Jerusalén.

Números 4:3

te ayic ta lajuneb xcha'winic (30) ya'wilalic c'alal ta lajuneb yoxwinic (50), te ya xju' yu'unic at'el ta abatinel ta Nailpac' te bay ya quich' c'oponele.

San Lucas 3:23

C'alal ayix lajuneb xcha'winic (30) ja'wil ya'wilal a te Jesuse, jajch' ta at'el. Cuybil te ja' snich'an te José, te jich ay moel ta cumulcum te sts'umbale: