2 Samuel 5:3 - Bible in Tzeltal de Oxchuc y Tenejapa

³ Jich c'ot spisilic te mamaletic yich'oj yat'elic yu'un Israel, c'o sc'oponic te muc' ajwalil David ta Hebrón. Te David ay bila la xchap soc. Ja' la yaq'uic ta testigo te Cajwaltique. La yac'beyic yich' yat'el ta muc' ajwalil yu'un Israel te David.

Bible in Tzeltal Bachajón

³ Hich spisil te mamaletic yu'un Israel tal ta stojol te ajwalil David ta Hebrón. Te ajwalil David la schap sc'op soc te pueblo ta Hebrón ta stojol Jehová. La smalic ta aceite te David scuenta ajwalil yu'un Israel.

2 Samuel 5:3 ပူးပေါင်းရင်းမြစ်များ

2 Samuel 2:4

Patil c'otic te winiquetic te swinquilel Judá, la yac'beyic yich' yat'el ta muc' ajwalil yu'unic. C'alal la yaiy te David te ja'ic te mach'atic ayic ta Jabes ta sq'uinal Galaad te la smuquic te Saúl,

2 Samuel 2:7

Ac'aic xan puersa, ma me xiwex. Manchuc me lajix te Saúl te ajwalil awu'unique, pero te sts'umbal Judá la stsaoniquix yu'un ya x'ochon ta muc' ajwalil yu'unic”, xi' te David.

2 Samuel 3:21

Te Abner jich la yalbey te David: —Yo'tic ya me xboon, ya xba jtsob spisil Israel swenta yu'un ay me bi ya yich' chapel ta atojol. Jich me ta swenta sc'anjel yo'tanic a te ya x'ochat ta muc' ajwalil ta stojolique —xi'. Jich te David la spatbey bael yo'tan te Abner, jun yo'tan bajt'.

1 Reyes 1:34

C'alal yac'ojbeyiquix yich' yat'el ta muc' ajwalil ta stojol Israel te Salomón te sacerdote Sadoc soc te j'alwanej yu'un Dios Natán, oq'uesinaic te xulub chije: “¡Viva muc' ajwalil Salomón!” xaex me ta aw.

2 Reyes 11:17

Patil te Joiada la yal te ya me xchap sc'opic soc Cajwaltic te muc' ajwalil soc te lume, ja' te bit'il ja'ic me te lum yu'un te Cajwaltique. Soc la xchap sc'opic te muc' ajwalil soc te lume.

1 Crónicas 11:1

Spisil te israeletic la stsob sbaic, bajt'ic ta sc'oponel David ta lum Hebrón. Tey la yalbeyic a: —Te jo'otic jun jch'ich'el jbaq'uetaltic.

1 Crónicas 11:3

Jich ba yalic ta stojol te muc' ajwalil David ta lum Hebrón spisil te mamaletic yich'oj yat'elic yu'un Israel. Te David la spas trato soc te mamaletic, ja' la yaq'uic ta testigo te Cajwaltique. Jich la yac'beyic yich' yat'el ta muc' ajwalil yu'un Israel te David, jich bit'il yaloj Dios ta swenta Samuel.

1 Crónicas 28:4

Ja'uc me to, te Cajwaltic Dios cu'untic te israelotique, la stsaon ta yolilic te mach'atic ay cu'une, swenta yu'un la yac'on ta muc' ajwalil ta atojolic sbajt'el q'uinal. Ja' la stsa stuquel te sts'umbal Judá te ja' jchajp sts'umbal Israel te ya xmandalaje, soc ta spisil sts'umbal Judá la stsaon soc te mach'atic ay cu'une, soc ta yolil te quermanotac ja' la stsaon loq'uel yu'un te ya x'ochon ta muc' ajwalil ta stojol spisil te jlumal Israel.

2 Crónicas 23:16

Ta patil te Joiada la spas trato soc spisil te lume soc te muc' ajwalile te ja'ic me te lum yu'un te Cajwaltique.

Nehemías 9:38

Ta scaj spisil in to, te jo'otic la jchaptic ta jamal ta mero spisil co'tantic, soc la yich' ts'ibuyel ta jun. Te jun la yich' pasel soc te la yich' aq'uel selloile, la yac' sfirmaic a te jwolwanejetic cu'untic, levitaetic soc sacerdoteetic.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

Josué 10:36

C'alal ju' stsalbelic Eglón, bajt'ic ta lum Hebrón, c'o yac'beyic guerra.

Jueces 11:11

Jich yu'un te Jefté bajt' soc. Te lume la yaq'uic ta jtsobwanej te ya spas mandal ta stojolic. Ta Mizpa la yal xan ta stojol Cajwaltic, te bi la yal ta neelal te Jefté.

1 Samuel 11:15

Ja' yu'un spisil yajwal lum bajt'ic ta Gilgal. Tey ta stojol te Cajwaltic la yac'beyic yich' xan yan buelta yat'el ta muc' ajwalil te Saule. Soc ora la yac'beyic milbil smajt'an swenta seña lamal-o'tanil te Cajwaltique. Te Saúl soc ta spisil te israeletic mero bayal yutsil yo'tanic yu'un.

1 Samuel 16:13

Jich ora la stsac te xulubil nojel ta aceite te Samuele. Q'uelel sitic a te sbanquiltac, la smalbey aceite ta sjol. Jich tsabil c'ot ta muc' ajwalil te querem David. Jich ora tal ta stojol yip yu'el te Cajwaltique. Te Samuel la sc'opon jilel te mach'atic tey ayic a, bajt' xan ta Ramá.

1 Samuel 23:18

Jich ora la xchap sc'opic ta xchebalic, ja' la yaq'uic ta testigo te Cajwaltique. Te Jonatán sujt' bael ta sna, yan te David jil ta Hores.