2 Samuel 5:2 - Bible in Tzeltal de Oxchuc y Tenejapa

² Manchuc me ja' muc' ajwalil cu'untic a te Saúl, pero ja'at ta mero melel te la awic' bael ta guerra te Israel. Soc ja' nix te Cajwaltic te yalojbat te ja'at te ya awentain soc te ya x'ochat ta ajwalil yu'un Israel —xiic c'oel.

Bible in Tzeltal Bachajón

² Ta nahilal, te c'alal ay ta ajwalil cu'untic a te Saúl, ha'at la aloq'ues ta guerra te Israel soc la awic' suhtel tal. Soc hich yalbeyejat te Jehová: Ha'at yac acanantaybon soc ha'at príncipal ya xc'ohat yu'un te pueblo Israel cu'un, xchi.

2 Samuel 5:2 ပူးပေါင်းရင်းမြစ်များ

Génesis 49:24

Ja'uc me to, ma ba ya xlaj yip te sc'ab, soc ma ba ya xlaj yip te st'ime, wocol la yal Dios te Spisil ya xju' yu'une, ja' te Dios cu'une, wocol la yal Dios te jcanantaywanej cu'un, te ya scanantayon jo'on te Israelon soc te jts'umbale.

2 Samuel 6:21

Jac'bot yu'un te David: —Melel nix a, la caiy ajc'ot, pero ta stojol Cajwaltic, te ja' la stsaon swenta yu'un jo'on ya jelolin te anima atat soc spisil te sts'umbale, te bit'il jo'on ochon ta jwentainwanej ta stojol te lum Israel yu'une. Ja' yu'un ajc'otajon ta stojol te Cajwaltique.

2 Samuel 7:7

Ta spisil ora te la joinic ta beel, ma'yuc bi ora la calbey te mach'atic la cac'bey swentainbon te lum Israel cu'une te ya spasbon templo ta cedro”, uta me.

2 Samuel 7:8

Soc albeya xan te cabat David, te jo'on Ajwalilon te Spisil ya xju' cu'une ya calbey: “Jo'on la jloq'uesat tel ta corral yu'un chijetic, jo'on la jloq'uesat ta smaquel chijetic, swenta yu'un ya x'ochat ta jwentainwanej yu'un te lum Israel cu'une.

2 Reyes 20:5

—Sujt'an bael, albeya te Ezequías te jwentainwanej yu'un te lum cu'une: “Te Cajwaltic te Dios yu'un te antiguo ame'-atat David, jich la yal: ‘Jo'on la caiybatix te ac'ope, soc la quilbatix te ya'lel asite, ja' yu'un ya me jch'aybat te achamele. Li' ta oxeb c'aal ya me xju'ix ya xbaat ta templo yu'un Cajwaltic a.

1 Crónicas 11:2

Manchuc me ay ta ajwalil ta neelal te Saúl, pero ja'at yacatix ta yiq'uel loq'uel ta guerra te Israel, melel te Dios awu'un yalojbat ta jamal te ja'at ya xmandalajat ta ajwalil ta Israel, te lum yu'une —xiic.

2 Crónicas 1:10

Ja' yu'un ac'bon sp'ijil co'tan ta sna'el jiche te bit'il ya sc'an pasel ta mandal te lume. Melel ¿mach'a c'an ju'uc yu'un spasel ta mandal te lum awu'un te mero c'ax muc' ta jyalele? —xi' te Salomón.

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Isaías 55:4

Ja' la cac' ta testigo ta stojol te nacionetique, la cac' ta jtsobwanej soc ta jp'ijubteswanej ta stojol te lumetique.

Ezequiel 34:23

Ya me cac' chicnajuc xan tel te cabat David, ja' me ya cac' ochel ta jcanan-chij stuquel. Ja' me ya xcanantayotic yu'un, ja' me jcanantaywanej yu'unic ta mero melel stuquel.

Miqueas 5:4

Te muc' ajwalil ya me xjajch' scanantay te lum yu'un ta yu'el, ta yutsilal te Cajwaltic te Dios yu'une. Lamal nax me q'uinal ya yaiyic, melel te Cajwaltic muc' me ya xc'ot ta jyalel c'alal ta sti'il te balumilale.

San Mateo 2:6

“Te ja'at lum Belén, te ayat ta sq'uinal Judá, ma ch'in xujt'uc c'oemat ta stojol te ajwaliletic ta sq'uinal Judea. Melel tey ya xloc' tel a te jtul ajwalil te ya swentainbon te lum Israel cu'une”, te xie —xiic.

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

Hebreos 2:10

Spisil te bitic aye ja' yu'un te Diose, soc ja' ta swenta te la yich' pasele. Jich la sc'an yo'tan Dios te ya sjoin ta utsilal spisil te alnich'anetic yu'une. Ja' swentail te ja' lequil Jcoltaywanej c'ot yu'unic te Jesucristoe, ta swenta bit'il c'ax bayal swocol.

1 Samuel 13:14

Pero yo'tic, te ochemat ta muc' ajwalile, ma ba ya xjalajat ta ajwalil soc ats'umbal bael. Te Cajwaltic ya me sle winic te lec yo'tan yu'une, ja' me ya yac'bey yich' yat'el ta jwentainwanej ta stojol te lum yu'une, scaj te ma ba la ach'uunbey te smandal la yalbate —xi' te Samuele.

1 Samuel 16:1

Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 18:13

Ja' yu'un ma ba la yiq'uix ta sts'eel, la yac' ochel ta jtsobwanej yu'un jchajp soldadoetic, ja' ya yic' bael ta guerra soc ya yic' sujt'el tel.

1 Samuel 18:16

Pero spisil ants-winiquetic ta Israel soc ta Judá bin nax yo'tanic ta stojol David, melel ja' ya x'ic'otic bael ta guerra yu'un, lec ya sujt'ic tel soc.

1 Samuel 18:5

Te David spisil te bitic ac'bot spas yu'un te Saúl, ts'acal c'ot ta pasel yu'un, jich te Saúl la yac'bey swentain soldadoetic. Te soldadoetic bin nax yo'tanic yu'un, soc nix te abatetic yu'un Saúl, buen lec yo'tanic yu'un.

1 Samuel 25:28

Abaton awu'un, pasbon perdón. Te Cajwaltic ya me sc'asesat ta muc' ajwalil soc ats'umbal ta cajalcaj, melel yacat ta guerra ta swenta te Cajwaltique. Te jayeb c'aal cuxulat ma me ayuc bi amen ya xc'ax awocol yu'un.

1 Samuel 25:30

Ja' yu'un, te c'alal ya xc'ot ta pasel yu'un Cajwaltic te bi bayal yutsil albil ta atojol yu'une, soc te c'alal ya yac'at ochel ta ajwalil yu'un Israel,

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.