2 Samuel 5:12 - Bible in Tzeltal de Oxchuc y Tenejapa

¹² Te David jich la sna' xan ta lec te ja' Cajwaltic te la yac' ochel ta muc' ajwalil ta Israel, soc te ja' nix te yac ta aq'uel yip te yat'el ta muc' ajwalil ta swenta xc'uxul yo'tan ta stojol te lum Israel.

Bible in Tzeltal Bachajón

¹² Hich la sna' te David te smelelil otsesot yu'un Jehová ta ajwalil yu'un Israel, soc te a'bot yich' yip ta a'tel ta ajwalil ta scuenta sc'uxul yo'tan ta stojol Israel te pueblo yu'une.

2 Samuel 5:12 ပူးပေါင်းရင်းမြစ်များ

2 Samuel 5:11

Ja' yu'un te Hiram te muc' ajwalil yu'un lum Tiro la sticun abatetic te muc' yat'el yu'un ta stojol te David, soc la sticun carpinteroetic soc albañiletic. La yich'ic bael cedro, och spasbeyic te smuc'ul na te David.

2 Samuel 5:13

Te c'alal c'ot ta Jerusalén te David te jajch' ta Hebrón, c'o sle xan yantic yinam soc yantic antsetic yu'un tey a. Ja'ic te antsetic te la yac' xan yal-snich'an soc, ay queremetic soc ach'ixetic.

2 Samuel 7:16

Te ats'umbal soc te awat'el ta muc' ajwalil stalel ay cu'un sbajt'el q'uinal, jo'on ya jwentain. Soc nix te awat'el ta muc' ajwalil sbajt'el q'uinal chapal ya xjil”, uta me —xi' te Cajwaltique.

1 Reyes 10:9

Jelawen yutsilal te Ajwalil, te Dios awu'une, te lec la yilat te la yac'at ochel ta ajwalil ta stojol Israel. Ta swenta te xc'uxul yo'tan ta stojol Israel ta spisil ora te la yac'at ochel ta muc' ajwalile, swenta yu'un buen lec me ya awentain soc mero stojil me ya xchajbanwanat ta stojolic —xi'.

1 Crónicas 14:2

Jich la sna' te David te jich yo'tan Cajwaltic te ay ta muc' ajwalil yu'un Israel, melel yac ta muc'ubel bayal te yat'el ta stojol te slumale.

2 Crónicas 2:11

Jich yu'un te Hiram, te muc' ajwalil yu'un lum Tiro, la sticunbey bael jun carta ta stojol Salomón, jich la yal bael: “Te Awajwal la yac'at ta muc' ajwalil yu'un te israeletic, melel c'ux ta yo'tan te lum yu'une”, xi'.

Ester 4:14

Teme ma ba ya xc'opojat yo'tic, teme ma'yuc bi ya awale, te scoltayel te judioetic ya me xtal ta yan parte, pero te ja'at soc te mach'atic ay yu'un te atate ya me xlajex. Repente ja' swentail te ochat ta antsil-ajwalil yu'un te ya acoltayotic ta wocole”, xi'.

Daniel 2:30

Ja' nix jichon la quich'ix ac'beyel jna' te bila wocol ta na'ele. Pero ma me yu'unuc jo'on c'ax bayal bitic jna'oj a te bit'il spisil te yantic winiquetique, ja' nax me yu'un te jich ya ana'bey swentail a te awaiche, soc swenta yu'un jich ya ana' te bila ya snop te awo'tane.

Números 24:7

Te Israel c'ax bayal ja' yu'un ta swenta uch'el soc smalel ta ja' te yawal-sts'unube. C'ax jich ya xmandalaj te muc' ajwalil yu'unic a te bit'il Agag; te yip ta muc' ajwalil c'ax muc' stuquel.