2 Samuel 4:9 - Bible in Tzeltal de Oxchuc y Tenejapa

⁹ Jac'botic yu'un David: —Ya calbeyex ta jamal ta stojol te Cajwaltic, te ja' la scoltayon te bitic c'ux obol jba yu'un a.

Bible in Tzeltal Bachajón

⁹ Te David la sjac'be sc'opic te Recab soc te yermano Baana, snich'nab Rimón te beerot-winic, hich la yal: ¡Yiloj Jehová! te la scoltaybon jch'uhlel ta spisil mel-o'tan.

2 Samuel 4:9 ပူးပေါင်းရင်းမြစ်များ

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

2 Samuel 4:2

Te Is-boset ay cheb winiquetic yac ta yabatinel, ja' jtsobwanejetic yu'un jchajp jpoj-biluquetic. Te jtule Baana, te yane Recab, snich'nab Rimón, talem ta lum Beerot, ja' nix sts'umbalic Benjamín.

1 Reyes 1:29

Te muc' ajwalil jich jc'axel la yal ta jamal: —Jc'axel ya cal ta jamal ta stojol te Cajwaltic, ja' te scoltayejon loq'uel ta spisil jwocole.

Salmos 103:4

ja' te ya yac'bon ta libre jcuxlejal te ma xboon ta muquenal; ja' te mero c'ax nojel xc'uxul yo'tan ta jtojol soc te t'ujbil ya xc'uxtayone;

Salmos 106:10

Jich la scoltay ta sc'ab te scontrotac, ja' te mach'atic ay slab yo'tanic yu'une.

Salmos 107:2

Jich ac'a yalic te mach'atic coltayotic yu'un Cajwaltic, ja' te mach'atic coltayotic ta sc'ab yu'un te scontroique,

Salmos 34:17

Te Cajwaltic yat'elinej yaiybel sc'op te mach'atic toj yo'tanique, soc ya yac' ta libre yu'un spisil te swocolique.

Salmos 34:22

Ja'uc me to, te Cajwaltic ya scoltaybey xcuxlejalic te abatetic yu'une; ma ba ya yich'ic castigo te mach'atic ja' ya smuc'ulin yo'tanique.

Salmos 69:18

Noptsajan ta jts'eel, coltayawon; coltayawon ta sc'ab te jcontrotaque.

Salmos 71:23

Bayal me yutsil co'tan ya jc'ajintayat, soc ta spisil te jcuxlejal te ja'at la acoltaybone.

1 Samuel 26:24

Jich te bit'il la jc'uxtaybat acuxlejal te ja'at te muc' ajwalilate, teme jich ya sc'an te Cajwaltic teme jich ya xc'uxtaybon jcuxlejal uuc, soc te yacuc scoltayon te bit'il ay woclajel ya xtal ta jtojol —xi'.