2 Samuel 4:8 - Bible in Tzeltal de Oxchuc y Tenejapa

⁸ swenta yu'un ya me yac'beyic David te ay ta Hebrón. Jich c'o yalbeyic te muc' ajwalile: —Tey ay te sjol Is-boset te snich'an Saúl, te ja' mero acontro, te yac ta sleel bila ya yut ya slajinbat acuxlejale. Pero yo'tic te Cajwaltic la yac'batix asujt'esbey spacol ta stojol Saúl soc te sts'umbale —xiic.

Bible in Tzeltal Bachajón

⁸ La yich'beyic bahel te sjol Is-boset ta stojol David ta Hebrón. Hich la yalbeyic te ajwalil: Li' ay te sjol Is-boset snich'an Saúl, ha te acontra te la sle bin ya yut ya smilat. Te Jehová la spacbeyix sc'abal yo'tic te cajwal ta stojol te Saúl soc te sts'umbale, xchihic.

2 Samuel 4:8 ပူးပေါင်းရင်းမြစ်များ

2 Samuel 18:19

Te Ahimaas snich'an Sadoc jich la yalbey te Joab: —Wocoluc, ac'awon bael ta animal ta yalbeyel te muc' ajwalil te bi c'otix ta pasel ta stojol yu'un te Cajwaltic, te bit'il coltayotix ta sc'ab yu'un te scontro —xi'.

2 Samuel 18:31

Ora jul talel te etiope-winic, jich la yal: —Muc' ajwalil, aiya awaiy bi lec c'ot ta pasel: Te Cajwaltic ja' la spasix te bi toj ta pasel ta atojole, melel la scoltayatix ta sc'ab te mach'atic la scontroinate —xi'.

2 Samuel 2:8

Pero te Abner te snich'an Ner, te capitán yu'un te soldadoetic yu'un Saúl la yic' bael te Is-boset te ja' snich'an te Saule. La yic' bael c'alal ta Mahanaim.

2 Samuel 22:48

Ja' te Dios te ya yac'bey spacol stuquele, la yac' bic'tajuc te lumetic ta jtojole.

Salmos 71:24

Soc nix te que, spisil me ora ya yal te toj awo'tane; melel te mach'atic yo'tanuc ya yilbonic jwocol, potsbotic jilel yelawic yu'un q'uexlal.

San Mateo 2:20

—Jajch'an, ic'a bael te alale soc te sme'e. Sujt'an bael ta sq'uinal Israel, yu'un lajemiquix te mach'atic c'an smilic te alale —xi'.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

1 Samuel 18:11

Ora nax la stoy te slanza, yu'un ya c'an sts'ap ta pajc' ta lanza te David, pero te David cheb buelta la sc'asesbey te slanzae.

1 Samuel 19:1

Te Saúl la spas ta mandal te snich'an, ja' te Jonatán, soc ta spisil te abatetic yu'un te yacuc smilic te David. Pero te Jonatán te bayal c'ux ta yo'tan David,

1 Samuel 19:15

Pero te Saúl la xcha'ticun xan bael te swinictac ta sleel te David. La yalbey tulan mandal, jich la yal: —Manchuc me ay ta swayib, ic'aic loq'uel tel tey a. Ic'bonic tel, yu'un ya jmil —xi'.

1 Samuel 20:1

Te David loc' jajch'el ta anel ta Naiot ta Ramá, bajt' ta banti ay Jonatán, yu'un ay bi ba yalbey: —¿Bila jpasoj te jo'one? ¿Bila jmulinej? ¿Bila jmul jtaoj ta stojol te atat, te yac slebelon te ya smilon yu'une? —xi' te David.

1 Samuel 23:15

Pero te David puersa bayal la xi' te Saúl ta scaj te loq'uem ta leel yu'un ya xmilote. Ja' yu'un jil ainuc ta Hores ta taquin q'uinal Zif.

1 Samuel 24:4

Te swinictac David jich albot yu'un: —Yo'tiquix ya xc'ot ta pasel te bi yalojbat te Cajwaltic: “Ya cac'bat ta ac'ab te acontro”, te xie. Yo'tic pasbeya te bi ya amulan spasbeyele —xiic. Te David jajch' bael ta c'unc'un, c'o set'bey loq'uel jxejt' sti'il smuc'ul c'u' te Saule.

1 Samuel 25:29

Teme ay mach'a ya snutsat, yu'un ya sc'an ya smilate, ja' me swentainejbat acuxlejal te Cajwaltic Dios awu'une. Jich nix te acontro, ja' ni me te Cajwaltic te ya xch'oj bael ta jc'axele, jich te bit'il ya yich' ch'ojel bael ton ta jimoch'ile.