2 Samuel 4:6 - Bible in Tzeltal de Oxchuc y Tenejapa

⁶ Te jcanan-ti'nail ants yac sajp'uyel trigo, pero tal swayel, jich way. Ja' yu'un te Recab soc te yermano Baana jich ju' ochic bael, ma'yuc mach'a ilotic yu'un.

Bible in Tzeltal Bachajón

⁶ Te jcanan-ti'nahil ants yac ta stsahel trigo, pero och swayel. Te Recab soc Baana te yermano, ochic bahel ta na.

2 Samuel 4:6 ပူးပေါင်းရင်းမြစ်များ

2 Samuel 2:23

Melel te Asael ma la sc'an la yijq'uitay snutsel te Abner, ja' yu'un te Abner la swalac' sts'apbey ste'el slanza ta xch'ujt', loc' ta spat. T'uxaj ta lum, toj lajel te Asael. Spisil te mach'atic c'otic te banti lajem te Asael, la stejc'an sbaic ta yilel.

2 Samuel 20:10

Pero ma ba la yil te Amasa te puñal yich'oj ta sc'ab te Joab. Ejch'entesot ta xch'ujt', loc' spisil te sbiquil, c'ot c'alal ta lum. Tic' laj a, ma ba ac'botix yan yu'un te Joab. Te Joab soc te yijts'in, Abisai, cha'bajt'ic ta snutsel te Seba te patil alnich'an yu'un Bicri.

2 Samuel 3:27

C'alal c'ot ta Hebrón te Abner, te Joab la yic' bael ta jejch' ta sti' yochibal te lume, swenta yu'un ya xc'opoj ta stuquel soc. Tey la yejch'entes ta xch'ujt', jich laj te Abner. Jich la sujt'esbey spacol te milbot te yijts'in Asael.

2 Samuel 4:2

Te Is-boset ay cheb winiquetic yac ta yabatinel, ja' jtsobwanejetic yu'un jchajp jpoj-biluquetic. Te jtule Baana, te yane Recab, snich'nab Rimón, talem ta lum Beerot, ja' nix sts'umbalic Benjamín.

Jueces 3:26

Te bit'il yacalic ta xch'ayel c'aal yu'un smaliyel, te Aod loq'uix ta anel. C'ax bael ta bay loc'ombaetic ta Gilgal, ba snac' sba ta Seirat.