2 Samuel 4:5 - Bible in Tzeltal de Oxchuc y Tenejapa

⁵ Te Recab soc te Baana, te snich'nab Rimón talem ta lum Beerot, bajt'ic, tojic bael ta sna Is-boset, mero yorail xc'uxul c'aal a te c'otique. Ja' yu'un wayal ta xcuxel yo'tan te Is-boset.

Bible in Tzeltal Bachajón

⁵ Te Recab soc te Baana, te snich'nab Rimón te beerot-winic, bahtic ta sna Is-boset ta yorahil sc'uxul c'ahc'al, yac ta cux-o'tan ta swayib a.

2 Samuel 4:5 ပူးပေါင်းရင်းမြစ်များ

2 Samuel 11:2

Ta jun mal c'aalil jajch' ta swayib te David, och ta comcom beel ta yamaq'uil sba na. Tey la sta ta ilel jtul buen t'ujbil ants a, yac ta atimal. Lajel to xchajbanbel sba ta stojol Dios yu'un te xchamel swenta jujun u. Te David la sticun ta jojc'oyel te mach'a a te antse. Albot yaiy te Betsabé sbiil te antse, yantsil-nich'an Eliam, yinam Urías, ja' te hitita-winique. Te David la sticun abatetic yu'un ya x'ic'bot tel, way soc, patil sujt' bael ta sna.

2 Samuel 2:8

Pero te Abner te snich'an Ner, te capitán yu'un te soldadoetic yu'un Saúl la yic' bael te Is-boset te ja' snich'an te Saule. La yic' bael c'alal ta Mahanaim.

2 Samuel 4:2

Te Is-boset ay cheb winiquetic yac ta yabatinel, ja' jtsobwanejetic yu'un jchajp jpoj-biluquetic. Te jtule Baana, te yane Recab, snich'nab Rimón, talem ta lum Beerot, ja' nix sts'umbalic Benjamín.

1 Reyes 16:9

Pero te Zimri, jtul yabat te ja' jwentainwanej yu'un olil te carretaetic yu'un guerra, la sut sba ta stojol. Ay jun c'aal te Ela ay ta Tirsa ta sna Arsa, mayordomo yu'un, och ta yuch'el, ja' to c'alal yacub.

2 Crónicas 24:25

C'alal bajt'ic te siriaetic, te Joás mero c'ajc'uben jilel te yejch'ene. Te abatetic yu'un la xchap sc'opic te ay bila ya spasbeyic ta stojol ta yich'el spacol, te bit'il la yich' milel yu'un te snich'an sacerdote Joiada. Tey ba smilic ta bay mero ya xwaye. Ta patil ba smuquic ta Lum-yu'un-David, pero ma teyuc a ta muquenal yu'un te muc' ajwaliletique.

2 Crónicas 25:27

Te c'alal la yijq'uitay ta yo'tan Cajwaltic te Amasías, la smuquen-chajbanbeyic sc'oplal ta Jerusalén. Jich te Amasías an bael ta lum Laquis yu'un. La snutsic bael, la smilic tey a.

2 Crónicas 33:24

Te sjo'tac ta ajwalil la xchajbanbeyic sc'oplal, la smilic ta palacio yu'un.