2 Samuel 4:4 - Bible in Tzeltal de Oxchuc y Tenejapa

⁴ Te Jonatán te snich'an Saúl, ay jtul snich'an Mefi-boset sbiil, boloben xchebal yacan. Yu'un te c'alal jo'eb ya'wilal a te Mefi-boset, jul tel ta alel ta Jezreel te lajix te Saúl soc te Jonatán. Te jch'ijteswanej yu'un Mefi-boset ic'ot ta anel yu'un, pero scaj te mero tulan te anele, yal te Mefi-boset, toj lajel yacan, jich coxo jilel.

Bible in Tzeltal Bachajón

⁴ Te Jonatán snich'an Saúl, ay jtuhl snich'an te chamen schebal yoc. Ayix ho'eb ya'bilal a te hul ta halel ta Jezreel te lajix te Saúl soc te Jonatán. Te jcoltesej-alal la yic' bahel ta ahnel, c'alal yac ta tulan ahnel soc a, yahl te alal, hich coxo' hil. Ha Mefi-boset te sbihile.

2 Samuel 4:4 ပူးပေါင်းရင်းမြစ်များ

2 Samuel 21:7

Yan te Mefi-boset snich'an Jonatán, smam Saúl, la sna'bey yo'bolil sba stuquel te David, scaj te ay bi jc'axel xchapoj ta stojol Cajwaltic soc te Jonatán.

2 Samuel 9:13

Pero te Mefi-boset, te bit'il pejel ta scaj te boloben xchebal te yacane, nain spisil ora ta Jerusalén stuquel. Melel ya xwe' spisil ora ta smesa te muc' ajwalil.

2 Samuel 9:3

Te muc' ajwalil la sjojc'obey: —¿Ay to bal jilem te mach'atic ay yu'un te Saúl, te ya xju' ay bi ya cac'bey ta swenta te Diose? —xi'. Te Siba la sjac': —Ay to jilem jtul snich'an Jonatán te boloben xchebal yacane —xi'.

2 Samuel 9:6

C'alal jul ta stojol David te Mefi-boset, snich'an Jonatán, smam Saúl, la stinan sba swenta seña yich'el ta muc'. —Mefi-boset —xi' te David. La sjac' te Mefi-boset: —Jo'on ayon ta awenta, cajwal —xi'.

1 Reyes 11:17

Pero te Hadad, te ch'in querem to a, bajt' ta anel ta Egipto soc cha'oxtul slumal te ayic ta abatinel yu'un a te state.

1 Crónicas 8:34

Te snich'an Jonatán, ja' te Merib-baal. Ja' snich'an Merib-baal te Micaía.

1 Crónicas 9:40

Te snich'an Jonatán, ja' te Merib-baal; te snich'an Merib-baal, ja' te Micaía.

1 Samuel 29:1

Te soldado-filisteoetic la stsob sbaic ta spisilic ta lum Afec. Jich te israeletic la spas scampamentoic ta sloq'uibja' te ay ta Jezreel.

1 Samuel 29:11

Te David soc te swinictac, ta buen sab ta xchebal c'aal jajch'ic, tojic sujt'el ta sq'uinal filisteoetic. Yan te filisteoetic la yaq'uic puersa ta ochel bael ta Jezreel.