2 Samuel 4:12 - Bible in Tzeltal de Oxchuc y Tenejapa

¹² Ora la yalbey mandal te soldadoetic yu'une, jich la yich'ic milel. La set'beyic yoc sc'ab, la sjijp'anic ta xujc' yawil ja' ta Hebrón. Patil la yich'beyic te sjol Is-boset, la smuquic ta Hebrón ta smuquenal Abner.

Bible in Tzeltal Bachajón

¹² Ha yu'un te David la spas ta mandar te winiquetic yu'un, hich la smilic, la set'ticlambeyic yoc sc'abic, la sjihpanic ta nopol yawil ha' ta Hebrón. Patil la yich'beyic te sjol Is-boset, la smuquic ta smuquenal Abner ta Hebrón.

2 Samuel 4:12 ပူးပေါင်းရင်းမြစ်များ

2 Samuel 1:15

La yic' tel jtul swinic, la yalbey mandal: —Baan mila —la yut. Jich la yejch'entes ta lajel te amalec-winic, jich laj.

2 Samuel 16:8

¡Te Cajwaltic la yac'batix castigo ta scaj te amilawe! Melel la amilbey te mach'atic ay yu'un te Saule. Ja'at la apoj te at'ele, ochat jilel ta swenta. Yo'tic te Cajwaltic, ja' la yaq'uix ochuc ta muc' ajwalil te anich'an Absalón. Yan te ja'ate li' ayat ta wocol ta scaj nix te abolile. ¡Melel mero jmilawalat! —xi' te Simei.

2 Samuel 2:8

Pero te Abner te snich'an Ner, te capitán yu'un te soldadoetic yu'un Saúl la yic' bael te Is-boset te ja' snich'an te Saule. La yic' bael c'alal ta Mahanaim.

2 Samuel 21:9

La yac'bey ta sc'abic te gabaonetique. C'o sjijp'anic ta wits ta stojol Cajwaltic, jich pajal lajic sjuquebalic ta xjajch'ibal sc'aalelal ta stsobel cebada.

2 Samuel 3:32

La smuquic ta Hebrón te Abner. Te muc' ajwalil tulan la yoq'uetay, soc ja' nix jich la spas spisilic te yajwal lume.

Salmos 55:23

Dios cu'un, te jmilawetic soc te jpas-lotetic ma ba ya xcuxinic stuquelic, ni yacuc sta olil ya smulanic te xcuxlejalique; ja'at me ya awac' ch'ayuc coel ta sc'ubulil muquenal. Pero te jo'one, ja'at me ya smuc'ulinat co'tan.

San Mateo 7:2

Melel te jich yipal ya alebey smul te yane, ja' nix jich yipal ya x'albotat amul uuc. Te bi yilel sp'isol ya awac'bey te yane, jich nix yilel sp'isol ya x'ac'botat uuc.