2 Samuel 4:11 - Bible in Tzeltal de Oxchuc y Tenejapa

¹¹ Mero ja' ni me jich ya jpasbeyex. Buen amenex, la amuquen-milic jtul winic te ma'yuc bi yac sna'bele, te wayal ta sna. Ja' yu'un ya me cac'beyex atojic te la amilique. Ya me jtup'ex ta balumilal —xi'.

Bible in Tzeltal Bachajón

¹¹ ¿Ma bal c'axuc to xan hich ya jpasbe a te chopol winiquetic te la smilic ta sna soc ta swayib te mach'a toj ta winiquil? Ha yu'un ¿ma bal yacuc sc'an te ya jc'ambeyex sch'ich'el ta acuentahic soc te ya jtup'ex ta q'uinal? xchi.

2 Samuel 4:11 ပူးပေါင်းရင်းမြစ်များ

Génesis 4:11

Jich yu'un bolobix ac'oplal li' ta lumq'uinal to te la amalbey xch'ich'el te awijts'ine.

Génesis 6:13

jich la yalbey te Noé: —Jnopojix te ya jtup' spisil ants-winiquetic, yu'un ja' ta swentaic te bayal uts'inwanej ta balumilale. Jich yu'un pajal me ya jlajin soc spisil te bitic aye.

Génesis 7:23

Jc'axel laj ta balumilal spisil ants-winiquetic soc chambalametic, chanetic, soc spisil ta jchajp mutetic. Stuquel xanix cuxul jilel te Noé, soc spisil bitic cuxajtic sjoinej ta barco.

2 Samuel 16:8

¡Te Cajwaltic la yac'batix castigo ta scaj te amilawe! Melel la amilbey te mach'atic ay yu'un te Saule. Ja'at la apoj te at'ele, ochat jilel ta swenta. Yo'tic te Cajwaltic, ja' la yaq'uix ochuc ta muc' ajwalil te anich'an Absalón. Yan te ja'ate li' ayat ta wocol ta scaj nix te abolile. ¡Melel mero jmilawalat! —xi' te Simei.

2 Samuel 3:27

C'alal c'ot ta Hebrón te Abner, te Joab la yic' bael ta jejch' ta sti' yochibal te lume, swenta yu'un ya xc'opoj ta stuquel soc. Tey la yejch'entes ta xch'ujt', jich laj te Abner. Jich la sujt'esbey spacol te milbot te yijts'in Asael.

2 Samuel 3:39

Ja' yu'un te jo'one, manchuc me jo'on te muc' ajwalilon te tsabilon yu'un te Diose, pero ma'yuc quip ya caiy yu'un te bi la sjowil spasic te yalatac Sarvia. Ja' ac'a ac'botuc yu'un te Cajwaltic te bi yilel stojol ya sc'an te mach'a la spas te bi amen ta pasele —xi' te David.

1 Reyes 2:32

Te Cajwaltic ja' ni me ya yac'bey c'otuc ta swenta te Joab te bit'il ja' nix ta scaj smul te laje. Melel te Joab ma smandaluc jtat te la smil ta puñal te cheb buen lequil winiquetic te c'axem lec yat'elic te bit'il yat'el stuquel. Ja'ic te Abner snich'an Ner, general yu'un soldado-israeletic, soc te Amasa te snich'an Jeter, general yu'un soldadoetic ta Judá.

Salmos 109:15

Te smulic ayuc me ta yo'tan spisil ora te Cajwaltic; ac'a yich' ch'ayel ta lumq'uinal te sna'jibale.

Salmos 9:12

Dios ya sna' te mach'atic ya smel yo'tanique; ma ba ya xch'ay ta yo'tan yu'un te yajc'anique, soc ya yac'bey castigo te mach'atic ya x'uts'inwanique.

Éxodo 21:12

Soc jich la yal xan te Cajwaltique: —Teme ay mach'a ya yejch'entes jtuluc, teme laj bael yu'une, ac'a lajuc uuc.

Éxodo 9:15

Te lajuc cac'bat awil te cu'el ta yac'belat castigo ta tulan chamel a te ja'at soc te alumale, ma'yucatix ta q'uinal te jichuque.

Proverbios 2:22

yan te mach'atic amen yo'tanic soc te jchebal-o'tanetic, ya me yich'ic bulel loq'uel ta q'uinal, soc ya me yich'ic ch'ojel loq'uel ta q'uinal stuquelic.

Proverbios 25:26

Pajal soc sloq'uibja' te tatubenix soc bolobenix, jich c'oem te mach'a ma'yuc smul te ya xnijc' yo'tan ta stojol te mach'a amen yo'tane.

Jeremías 10:11

(Ja'ex, israeletic, albeyaic te mach'atic ma'yuquic ta stojol te Diose: —Te diosetic, te ma ja'uc la spasic te ch'ulchan balumilal, ya me xch'ayic ta jc'axel ta balumilal; ni jtuluc ma xjilic ta yet'al ch'ulchan —xaex me.)

Habacuc 1:12

La yal te Habacuc: —Cajwal, ¿yu'un bal ma'yucat ta sbajt'el q'uinal, ja'at te Ch'ul Diosat cu'un te mero ma xlajat atuquele? Cajwal soc jcanantaywanejat cu'un, ja'at la awac'bey yipic te caldeoetic swenta yu'un ja' ya yaq'uic castigo ta awenta.

Habacuc 1:4

Ma ja'uc ay ta tuuntesel te mandaliletique; ja' nax ay ta pech'el ta teq'uel te bitic sc'oplal ya xc'ot ta jwentatique. Te bila amen ja' yac ta stenel te bila leque; jich yac ta jinel te chajbanele —xi'.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.