2 Samuel 3:9 - Bible in Tzeltal de Oxchuc y Tenejapa

⁹ Ac'a yac'bon tulan castigo te Cajwaltic teme ma ba ya xba jpas soc David te bi albil yu'un te Cajwaltic,

Bible in Tzeltal Bachajón

⁹ Dios ac'a ya'be c'ax tulan castigo te Abner teme ma ba ya jpasbe te David te bin halbot yu'un te Jehová,

2 Samuel 3:9 ပူးပေါင်းရင်းမြစ်များ

2 Samuel 19:13

Soc la yal xan mandal te ya yich' alel Amasa: “Te ja'ate jun jch'ich'eltic. Ja' yu'un yo'tic ya x'ochat ta general yu'un te soldadoetic cu'une. Ja'at ya x'ochat ta sjelol te Joab. Teme ma ba ya cac' c'otuc ta pasele, ac'a yac'bon tulan castigo te Cajwaltique”, xi'.

2 Samuel 19:14

Jich la yac'bey c'otuc ta yo'tanic te winiquetic ta Judá. Ta spisilic la syom sc'opic ta jun nax, la sticunic ta alel te muc' ajwalil te yacuc sujt'uc tel soc spisil te abatetic yu'une.

2 Samuel 3:35

Patil ba yalbeyic wocol te David te yacuc we'uc jtebuc te bit'il ma to ba c'axem te c'aale, pero te David jich la yal ta jamal: —Ac'a yac'bon tulan castigo te Cajwaltic teme ya jwe' pan o yan we'elil te c'alal ma to ba malem c'aal a —xi'.

1 Reyes 19:2

Te Jezabel la sticun ta alel te Elías: “Teme ja'at Eliasat, te jo'on Jezabelon. Ac'a yac'bon tulan castigo te diosetic, teme pajel ta jichilan ora te ma jichuc ya jpasbat uuc te bit'il la apasbey te j'alwanejetique”, xi'.

1 Reyes 2:23

Te c'alal jich la yal te muc' ajwalil Salomón, jc'axel jich la yal ta stojol Cajwaltic: —Ac'a yac'bon tulan castigo te Dios teme ma ba ya xlaj te Adonías yu'un te bila la yale.

1 Crónicas 12:23

Ja' ta spisilic te soldadoetic te chapalic yu'un guerra, te jun ba stsob sbaic soc David ta lum Hebrón, yu'un ya yich' c'asesel yat'el Saúl ta stojol David, jich bit'il smandal te Cajwaltique:

Rut 1:17

Te bay ya xlajat te ja'ate, tey nix me ya xlajon a, tey me ya jc'an quich' muquel a. Te Cajwaltic ac'a yac'bon tulan castigo teme ya quijq'uitayat jilel, teme ma ja'uc ta scaj lajel te ya quijq'uitay jbajtic yu'une —xi' te Rut.

1 Samuel 14:44

Te Saúl jich la yal ta tulan: —Jonatán, ac'a yac'bon buen tulan castigo te Dios teme ma ba ya xlajat ta milele —xi'.

1 Samuel 15:28

Jich c'opoj ta stojol Saúl te Samuel: —Ja' nix jich la yich'ix jatsel loq'uel ta atojol c'oem yu'un Cajwaltic te awat'el ta muc' ajwalil ta Israel. La spojbat swenta yu'un ya yac'bey ta swenta yan ajoy ta israel te ja' lec stuquele, te ma jichuc te bit'il ja'ate.

1 Samuel 25:22

Ja' yu'un jich la yal ta jamal: “Ac'a yac'bon tulan castigo te Dios teme ma ba ya jlajin soc spisil winiquetic te mach'atic ay yu'un te ma to sacub q'uinale”, xi'.

1 Samuel 28:17

Te Cajwaltic yac ta spasel ta atojol te bi la yalbat te c'alal la yac'on ta c'op ta atojole. La spojbatix te awat'el ta muc' ajwalil, yan mach'a la yac'beyix. Ja' la yac'beyix te ajoy David.

1 Samuel 3:17

Te Elí la sjojc'obey: —¿Bitic a te la yalbat te Cajwaltique? Wocoluc, ma me x'amucbon ta awo'tan jxujt'uc. Ac'a yac'bat tulan castigo te Cajwaltic teme ma ba ya awalbon spisil te bi la yalbate —xi' te Elí.