2 Samuel 3:8 - Bible in Tzeltal de Oxchuc y Tenejapa

⁸ Te Abner bayal ilin yu'un te tijot ta c'op yu'un te Is-boset, jich la yalbey: —¿Yu'un bal ts'i'on ta ac'op te cac'oj jba ta abatinel ta swenta Judá? Te jo'one mero jun co'tan ta stojol te sts'umbal Saúl, ja' te atate, soc te xchapomale soc te mach'a jun yo'tan sba soque, ma ba cac'ojat ta sc'ab David. Pero te ja'ate yacat ta yalel te la jta jmul ta swenta te jtul antse.

Bible in Tzeltal Bachajón

⁸ Te Abner bayel ilin yu'un te bin halbot yu'un te Is-boset, hich la yalbe: ¿Yu'un bal sjol ts'i'on ta ac'op te ayon ta a'batinel yu'un Judá? C'alal ora jun co'tan ta stojol te sts'umbal atat Saúl, ta stojol te yermanotac soc te mach'atic jun yo'tan sba soc, ma ba cac'ojat ta sc'ab David; yo'tic ¿ya bal alehbon jmul ta scuenta jtuhl ants?

2 Samuel 3:8 ပူးပေါင်းရင်းမြစ်များ

2 Samuel 16:9

Te Abisai yal Sarvia, jich la yalbey te muc' ajwalile: —¿Bi yu'un te ya stijat ta c'op te muc' ajwalilat ja' me lajem ts'i'e? Yo'tic nix ya xba jc'ocbey sjol —xi'.

2 Samuel 2:8

Pero te Abner te snich'an Ner, te capitán yu'un te soldadoetic yu'un Saúl la yic' bael te Is-boset te ja' snich'an te Saule. La yic' bael c'alal ta Mahanaim.

2 Samuel 3:18

Yo'tic c'otix yorail te ya x'och ta yat'ele, melel te Cajwaltic yaloj te ja' ta swenta David ya scoltay te lum Israel ta sc'ab filisteoetic soc ta sc'ab spisil scontro —xi'.

2 Samuel 3:9

Ac'a yac'bon tulan castigo te Cajwaltic teme ma ba ya xba jpas soc David te bi albil yu'un te Cajwaltic,

2 Samuel 5:2

Manchuc me ja' muc' ajwalil cu'untic a te Saúl, pero ja'at ta mero melel te la awic' bael ta guerra te Israel. Soc ja' nix te Cajwaltic te yalojbat te ja'at te ya awentain soc te ya x'ochat ta ajwalil yu'un Israel —xiic c'oel.

2 Samuel 9:8

Pero te Mefi-boset la stinan sba, jich la yal: —¿Bi yu'un te ayon ta na'el awu'un te abaton awu'une, cajwal? Melel pajalon soc lajem ts'i' —xi'.

2 Reyes 8:13

Jich la sjac' te Hazael: —Pero jichon ya caiy te bit'il ts'i'e. ¿Bit'il ya xju' cu'un spasel te bila ya awale? —xi'. Jich c'opoj te Eliseo: —Te Cajwaltic la yac'bonix jna' te ja'at ya x'ochat ta muc' ajwalil yu'un Siria —xi'.

Salmos 76:10

Te yilimba winic ya xc'atp'uj ta yutsil ac'oplal; manchuc me mero jxujt' te yilimbae ya xc'atp'uj ta acorona.

Isaías 37:23

¿Mach'a la abolc'optay soc te la awixtac'optaye? ¿Mach'a a te toy ac'op ta stojole, soc te la atoy asit yu'un te toyolat la awaiy yu'une? Ja' la apas ta stojol te Ch'ul Dios yu'un Israel.

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.

1 Samuel 15:28

Jich c'opoj ta stojol Saúl te Samuel: —Ja' nix jich la yich'ix jatsel loq'uel ta atojol c'oem yu'un Cajwaltic te awat'el ta muc' ajwalil ta Israel. La spojbat swenta yu'un ya yac'bey ta swenta yan ajoy ta israel te ja' lec stuquele, te ma jichuc te bit'il ja'ate.

1 Samuel 17:43

Te bit'il ma la yich' ta wenta, jich la yalbey: —¿Yu'un bal ts'i'on ta ac'op te tal amajon ta te'? —xi'. Ta swenta te yajcanan, ora jajch' yalbey ixta c'op te David,