2 Samuel 3:10 - Bible in Tzeltal de Oxchuc y Tenejapa

¹⁰ ya me yich' loq'uesel ta muc' ajwalil te sts'umbal Saúl. Te David ja' me ya xnajc'aj ta muc' ajwalil yu'un Israel soc Judá ta spamal sq'uinalic, c'alal ta Dan soc c'alal ta Beerseba —xi'.

Bible in Tzeltal Bachajón

¹⁰ ha te ya yich' loq'uesel ta ajwalil te sts'umbal Saúl, ha ya x'och ta ajwalil yu'un Israel soc Judá te David, c'alal ta Dan ha to c'alal ta Beerseba, xchi.

2 Samuel 3:10 ပူးပေါင်းရင်းမြစ်များ

2 Samuel 17:11

Yo'tic jo'on ya calbat, ac'a stsob tel sbaic ta atojol spisil te israeletic ta spamal sq'uinalic, c'alal ta Dan soc c'alal ta Beerseba, melel mero bayalic ta jtul jichuc ji' te ay ta ti'mar. Te ja'at nix ya xba awac' ta guerra.

2 Samuel 24:2

Jich nix la spas a te David. La yalbey mandal te Joab te sjoinej te ja' general te soldadoetic yu'une: —Beentayaic spisil ta jchajp sts'umbal Israel ta spamal sq'uinalic, c'alal ta Dan soc c'alal ta Beerseba, swenta yu'un ya me awaq'uic ta censo. Jich me ya jna' te jayeb te yajwal lume —xi'.

2 Samuel 3:11

Te Is-boset ma ba la sjac'bey ni baluc te sc'op Abner, yu'un la xi'.

2 Samuel 3:21

Te Abner jich la yalbey te David: —Yo'tic ya me xboon, ya xba jtsob spisil Israel swenta yu'un ay me bi ya yich' chapel ta atojol. Jich me ta swenta sc'anjel yo'tanic a te ya x'ochat ta muc' ajwalil ta stojolique —xi'. Jich te David la spatbey bael yo'tan te Abner, jun yo'tan bajt'.

1 Reyes 4:25

Te jayeb c'aal cuxin te Salomón, te yajwal Judá soc Israel ta spamal sq'uinalic, c'alal ta Dan soc c'alal ta Beerseba, buen lamal q'uinal la yaiyic, soc jun yo'tanic ayic ta ye'tal sts'usubic soc ta higuera yu'unic.

Jueces 20:1

Ta spisil te israeletic ta Dan c'alal ta Beerseba soc ta Galaad, la stsob sbaic ta Mizpa ta stojol te Cajwaltic, jun nax la yac' sbaic, jich c'otic te bit'il jtul nax winic.

1 Samuel 15:28

Jich c'opoj ta stojol Saúl te Samuel: —Ja' nix jich la yich'ix jatsel loq'uel ta atojol c'oem yu'un Cajwaltic te awat'el ta muc' ajwalil ta Israel. La spojbat swenta yu'un ya yac'bey ta swenta yan ajoy ta israel te ja' lec stuquele, te ma jichuc te bit'il ja'ate.

1 Samuel 28:17

Te Cajwaltic yac ta spasel ta atojol te bi la yalbat te c'alal la yac'on ta c'op ta atojole. La spojbatix te awat'el ta muc' ajwalil, yan mach'a la yac'beyix. Ja' la yac'beyix te ajoy David.

1 Samuel 3:20

Spisil israeletic ta spamal sq'uinalic, c'alal ta Dan soc c'alal ta Beerseba, la sna'ic te ja' mero j'alwanej yu'un Dios te Samuele.