2 Samuel 24:3 - Bible in Tzeltal de Oxchuc y Tenejapa

³ Pero te Joab la sjac'bey sc'op te muc' ajwalile: —Ja'uc te Cajwaltic te Dios awu'un te ya yac' esmajuc xan jo'winic (100) buelta a te bit'il ay ta ora in to. Lec te yacuc to yil asite. Pero ¿bi stuc awu'un te censo? —xi'.

Bible in Tzeltal Bachajón

³ Te Joab la sjac'be sc'op te ajwalil: Ha'uc te Jehová te Dios awu'un te ya yac' p'ohluc xan ho'winic (100) buelta a te bin ut'il ay ta ora ini, soc te hich ya xhu' ya yil te ajwalil cu'une. Pero ¿bin yu'un te hich ya sc'an ya spas te ajwalil cu'un? xchi.

2 Samuel 24:3 ပူးပေါင်းရင်းမြစ်များ

2 Samuel 10:12

Ma me xiwat. Ta spisil me co'tantic ya cac'tic puersa ta guerra ta swenta scoltayel te nación cu'untique, ja' te lumetic yu'un te Dios cu'untique. Ja' me ac'a spas te bi lec ta pasel ya yil te Cajwaltique —xi'.

2 Samuel 24:4

Pero te smandal te David ja' ich'bil ta muc' c'ot, ja' ma'yuc ta wenta c'ot te bi la yal te Joab soc te jtsobwanejetic yu'un te soldadoetique. Jich puersa bajt'ic ta spasel te censo yu'un te lum Israel.

Salmos 115:14

Te Cajwaltic ac'a yesmantesbeyex ats'umbalic te ja'ex soc te awal-anich'anique.

Proverbios 14:28

Teme bayal ants-winiquetic ya smandaltes te ajwalile, ay yutsil sc'oplal yu'un; teme jteb naxe, ya me xjin yu'un.

Isaías 60:5

Te c'alal ya awile, ya me xojobaj yutsil awo'tan, bin nax me awo'tan yu'un. Ya me yich'beyex tel sc'ulejalic te lumetic ta ti'mar; soc ya me yac'beyex sc'ulejalic te nacionetique.

Deuteronomio 1:11

Te Cajwaltic te Dios yu'un te antiguo jme'-jtatic, ac'a yac' esmajanic bayal buelta xan a te bit'il ayex ta ora in to, soc ac'a yac'beyex bendición jich nix te bit'il yalojbotique.