2 Samuel 23:3 - Bible in Tzeltal de Oxchuc y Tenejapa

³ Te Dios yu'un Israel c'opojix, te Jcanantaywanej yu'un Israel jich yalojbon: ‘Ja' te mach'a mero stojil ya swentain te ants-winiquetique, ja' te mach'a yich'oj ta muc' Dios te ya x'at'ej ta muc' ajwalil,

Bible in Tzeltal Bachajón

³ Te Dios yu'un Israel c'opojix; hich la yalbon te Muc'ul Ton yu'un Israel: Te mach'a stojil ya scuentahin te ants-winiquetic, te ya xcuentahinwan ta scuenta xi'el te Diose,

2 Samuel 23:3 ပူးပေါင်းရင်းမြစ်များ

Génesis 33:20

La spasbey jun scajtijib ta chiq'uel smajt'an Dios tey a, soc la yac'bey sbiil: El-Elohe-Israel, xi' te sbiile.

2 Samuel 22:32

¿Ay bal yan dios a te bit'il Cajwaltique? ¿Ay bal yan dios te ya xju' ya scanantayotique?

2 Samuel 8:15

Te David och ta muc' ajwalil ta stojol spisil Israel. Buen toj at'ej, ja' la spas te bi mero stojil ta pasel ta stojol te lume.

1 Reyes 10:9

Jelawen yutsilal te Ajwalil, te Dios awu'une, te lec la yilat te la yac'at ochel ta ajwalil ta stojol Israel. Ta swenta te xc'uxul yo'tan ta stojol Israel ta spisil ora te la yac'at ochel ta muc' ajwalile, swenta yu'un buen lec me ya awentain soc mero stojil me ya xchajbanwanat ta stojolic —xi'.

Nehemías 5:14

Te c'alal jtab ja'wil yat'el ta muc' ajwalil a te Artajerjes, la yac'bon cat'el ta ajwalil ta sq'uinal Judá. Lajchayeb ja'wil at'ejon ta ajwalil, pero ni jo'ucon, soc ni ja'uquic te jo'tac ta at'ele, ma'yuc la quich' te jcoltayel sc'oplal ya quich' te bit'il ochemon ta ajwalil.

Job 34:17

Teme ya yilay te toj-o'tanil te Diose, ma ba ya xju' ya xwentainwan te jichuque. ¿Ya bal alebey smul te Mach'a mero stalel toj yo'tan stuquele?

Salmos 110:2

C'alal to ta Sión ya yac'bat ta ac'ab Cajwaltic te abastón, seña yip te awat'ele. Mandalajan atuquel ta stojol te acontrotaque.

Salmos 42:9

Ya calbey te Diose, ja' te jcoltaywanej cu'une: “¿Bi yu'un ach'ayojon ta awo'tan? ¿Bi yu'un yacon ta mel-o'tan, soc bi swentail te ay jwocol ta sc'ab te jcontroe?” xoon.

Salmos 72:1

Dios cu'un, ac'beya ta yo'tan te muc' ajwalil te bila mero stojil soc te bila yich'oj swentail ta leque,

Salmos 72:2

swenta yu'un yich'oj me swentail ta lec soc mero stojil me ya swentainbat te lum awu'un soc te me'baetic awu'une.

Éxodo 18:21

Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Éxodo 3:15

Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Proverbios 31:9

C'opojan yu'unic, chajbana ta mero stojil; coltaya te me'baetic, coltaya te mach'atic pec'ajtique.

Isaías 32:1

Ay me jtul muc' ajwalil ta patil te toj ya xmandalaj, soc yantic biq'uit ajwaliletic te toj ya xchajbanwanique.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

Hebreos 1:8

Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.