2 Samuel 22:7 - Bible in Tzeltal de Oxchuc y Tenejapa

⁷ Te c'alal ayon ta wocol a, la jc'opon te Cajwale, la jc'an coltayel yu'un te Dios cu'une. La yaiybon stojol jc'op c'alal ta templo; c'ot ta xchiquin te cawe.

Bible in Tzeltal Bachajón

⁷ C'alal ay jwocol a la jc'opon te Jehová, la jcawtay te Dios cu'un. La ya'iybon jc'op c'alal ta templo yu'un; c'oht ta schiquin te caw.

2 Samuel 22:7 ပူးပေါင်းရင်းမြစ်များ

Salmos 107:6

Pero te c'alal c'ux obol sba la yaiyic, la sc'oponic te Cajwaltique, jich coltayotic loq'uel ta woclajel.

Salmos 116:4

Ja'uc me to, ja' la jc'opon te Cajwaltique, la calbey wocol te yacuc scoltaybon te jcuxlejale.

Salmos 120:1

Te c'alal ay jwocol, ya cawtay te Cajwaltique, te Cajwaltic ya sjac'bon te jc'ope.

Salmos 18:6

Te c'alal ayon ta wocol a, la jc'opon te Cajwal, la jc'an coltayel yu'un te Dios cu'une, la yaiybon stojol jc'op c'alal ta templo, c'ot ta xchiquin te cawe.

Salmos 27:4

Jun nax te bila jc'anojbey te Cajwaltique, jun nax te bila sc'anoj te co'tane: ja' te ya x'ainon ta templo yu'un te Cajwaltic te jayeb c'aal cuxulone, swenta yu'un ya me jquejan jba ta templo yu'un, soc ya me jmulanbey a te yutsilal te c'alal ya quile.

Salmos 34:6

Awun te mach'a obol sbae, te Cajwaltic la yaiy stojol; jich la yac' ta libre yu'un spisil te swocole.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Jonás 2:4

Jich c'oemon la caiy te bit'il jc'axel loq'uesbilon ta atojole; soc jich la jcuy te ma'yuc bi ora ya quilix te ch'ul templo awu'une.

Jonás 2:7

Te c'alal la caiy jba te nopol ya xlajonixe, la jna'at, Cajwal; c'ot ta atojol c'alal ta ch'ul templo awu'un te jc'ope.

Habacuc 2:20

Yan te Cajwaltic ay ta ch'ul templo yu'un. Ch'abanic ta stojol ta apisilic te ayex ta spamal balumilal.

San Lucas 22:44

Te bit'il bayal ay ta woclajel te yo'tane, la yac' xan puersa ta sc'oponel te Diose. Te xchiq'ue ja' pajal soc ch'ich' te xt'ulajan coel ta lume.]

Hebreos 5:7

Te jayeb c'aal ay ta balumilal te Cristoe, ma la scom sba ta sc'oponel Dios. Bayal la yoq'uetay sba ta yalel wocol ta stojol, te yacuc xju' ya xcoltayot ta yu'el te manchuc ya x'ac'ot ta lajele. Dios aiybot stojol sc'op yu'un, melel jun nax yo'tan yich'oj ta muc'.

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.