2 Samuel 22:4 - Bible in Tzeltal de Oxchuc y Tenejapa

⁴ Te ja'at Cajwal, ya sc'an alel yutsil ac'oplal; melel te c'alal ya jc'oponate ya acoltayon ta sc'ab te jcontrotaque.

Bible in Tzeltal Bachajón

⁴ Ya jc'opon te Jehová te ay ta halbeyel yutsil, ya me xcolon yu'un te jcontratac.

2 Samuel 22:4 ပူးပေါင်းရင်းမြစ်များ

2 Crónicas 20:22

Ta ora nax te c'alal jajch'ic ta sc'ajintayel te Cajwaltique, soc te bin nax yo'tanic ta yalel yutsil sc'oplale, te Cajwaltic la sjowtesbey sjolic te amonetic soc moabetic soc te mach'atic talemic ta wits Seir, te ya xtalic ta yac'beyel guerra te Judá. Jich la yich'ic tsalel.

Nehemías 9:5

Te levitaetic ja'ic te Josué, Cadmiel, Binuy, Hasabnías, Serebías, Hodías, Sebanías soc Petaías, jich la yalic: —Jajch'anic, albeyaic yutsilal te Cajwaltic te Dios cu'untic spisil ora ta sbajt'el q'uinal. Bayaluc yutsilal, ac'a yich' alel yutsil sc'oplal, soc ac'a toyuc xan yutsil slequilal te sbiile —xiic.

Salmos 106:2

¿Mach'a ya xju' yu'un yalel te tsalawetic spasoj te Cajwaltique? ¿Mach'a ya xju' yu'un te ya yalbey yutsil sc'oplal jich nix te bit'il ya sc'ane?

Salmos 116:13

Ja' te ya xjajch'on ta yalel wocol yu'un te la scoltayone, soc ya me jc'opon ta spisil ora.

Salmos 116:17

Ya me cac'bat milbil amajt'an ta swenta yalel wocol; ya me jc'oponat ta spisil ora, Cajwal.

Salmos 116:2

jun yo'tan la yaiybon stojol. Ta spisil c'aal te bit'il cuxulon ma jcom jba ta sc'oponel.

Salmos 116:4

Ja'uc me to, ja' la jc'opon te Cajwaltique, la calbey wocol te yacuc scoltaybon te jcuxlejale.

Salmos 18:3

Te ja'at Cajwal, ya sc'an alel yutsil ac'oplal; melel te c'alal ya jc'oponate ya acoltayon ta sc'ab te jcontrotaque.

Salmos 34:6

Awun te mach'a obol sbae, te Cajwaltic la yaiy stojol; jich la yac' ta libre yu'un spisil te swocole.

Salmos 48:1

Muc' te Cajwaltique; snujp' te ya yich' albeyel yutsil sc'oplal ta lum yu'un soc ta ch'ul wits yu'un.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Salmos 55:16

Pero te jo'one ya me xc'opojon ta stojol te Diose; te Cajwaltic ya me scoltayon stuquel.

Salmos 56:9

Ya me xjajch'ic ta sujt'el bael te jcontrotac te bi ora ya jc'an jcoltayel awu'une. Mero jna'oj te ja'at ya xc'opojat te Diosat cu'une.

Salmos 66:2

albeyaic yutsil xch'ul-biil ta c'ayoj; albeyaic yutsilal sc'oplal.

Salmos 96:4

Melel te Cajwaltic muc' ta jyalel, soc mero jich ya sc'an albeyel yutsil sc'oplal stuquel; xiweltic me sba yu'un spisil a te yantic cuybilic ta Diose.

Romanos 10:13

Jich te bit'il ts'ibubil jilele: “Spisil mach'a ya yalbey wocol ta stojol te Cajwaltique, jich me ya xcol yu'un”, te xie.

Apocalipsis 4:11

“Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Apocalipsis 5:12

Tulan yacalic ta aw te jich la yalique: “Te Alalchij te la yich' milele, ay ta swenta yich'el yu'el, soc sc'ulejal, soc sp'ijil, soc yip. Ay ta ich'el ta muc' soc te yutsilale”, xiic ta aw.