2 Samuel 22:2 - Bible in Tzeltal de Oxchuc y Tenejapa

² Jich la yal: “Ja'at Cajwal, Jcanantaywanejat, anjibalat cu'un, ja'at la awac'on ta libre atuquel.

Bible in Tzeltal Bachajón

² Hich la yal: Te Jehová ha toyol ch'entiquil cu'un, ha tulan ahnibal cu'un soc jcoltaywanej cu'un;

2 Samuel 22:2 ပူးပေါင်းရင်းမြစ်များ

2 Samuel 22:32

¿Ay bal yan dios a te bit'il Cajwaltique? ¿Ay bal yan dios te ya xju' ya scanantayotique?

2 Samuel 22:33

Te Dios ja' mero anjibal, ja' tulan stuquel; ja' me ya scoltayon te ma jta falta yu'un te cat'ele.

2 Samuel 23:3

Te Dios yu'un Israel c'opojix, te Jcanantaywanej yu'un Israel jich yalojbon: ‘Ja' te mach'a mero stojil ya swentain te ants-winiquetique, ja' te mach'a yich'oj ta muc' Dios te ya x'at'ej ta muc' ajwalil,

Salmos 144:2

Jun yo'tan cu'un, ja' cawil te banti ya quich' canantayel, ja' te mero toyol anjibal soc te j'ac'aw ta libre cu'une. Ja' jmajq'uil stuquel te ya jcanantay jba a; ja' stuquel te ya yac'bon ta jc'ab te lumetique.

Salmos 31:3

Ja'at muc'ul tontiquil wits, soc ts'ajc' c'oemat cu'un. Tojtesawon soc canantayawon; ac'a aba ta ich'el ta muc'.

Salmos 42:9

Ya calbey te Diose, ja' te jcoltaywanej cu'une: “¿Bi yu'un ach'ayojon ta awo'tan? ¿Bi yu'un yacon ta mel-o'tan, soc bi swentail te ay jwocol ta sc'ab te jcontroe?” xoon.

Salmos 71:3

Ja'ucat me te muc'ul ton te anjibalat cu'un; ja'ucat me te tulan ts'ajc'at te banti ya x'anon soc te banti ya xcolone. Melel ja'at muc'ul ton soc tulan ts'ajc'at cu'un.

Salmos 91:2

jich ya yal ta stojol te Cajwaltique: “Ja'at anjibalat cu'un ja' nac'jibalat, Dios cu'un, te smuc'ulinejat co'tan”, xi' me ta stojol.

Proverbios 18:10

Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

1 Samuel 2:2

Ma'yuc mach'a yan jich ch'ul Dios te bit'il ja'at, Cajwal. Ma'yuc mach'a jich ya xcanantaywan te bit'il ja'at, Dios cu'untic. Jtul ma'yuc mach'a jich te bit'il te ja'ate.

1 Samuel 23:25

Te Saúl soc te swinictac jajch'ic ta beel, bajt'ic ta sleel te David. C'alal albot yaiy te David te bajt' ta leel, toj bael ta saquil ch'entiquil-wits te ay ta taquin q'uinal yu'un Maón. C'alal la yaiy te Saúl, bajt' ta taquin q'uinal yu'un Maón ta ora ta snutsel te David.

1 Samuel 24:2

Ja' yu'un te Saúl la stsa oxmil (3,000) winiquetic ta spisil Israel, bajt' ta sleel te David soc te swinictaque, toj bael ta saquil ch'entiquil-witsetic ta mero teq'uel witstiquil.