2 Samuel 22:1 - Bible in Tzeltal de Oxchuc y Tenejapa

¹ Te David la sc'ajintay Cajwaltic te c'alal coltayot yu'un ta sc'ab Saúl soc ta sc'ab spisil scontrotac.

Bible in Tzeltal Bachajón

¹ Te David la sc'ayojtay Jehová ta scuenta te c'ayoj ini c'alal coltayot yu'un Jehová ta sc'ab spisil scontratac soc ta sc'ab Saúl.

2 Samuel 22:1 ပူးပေါင်းရင်းမြစ်များ

2 Samuel 12:7

Te Natán jich la yalbey: —Ja'at te jc'ulejate. Jich yalojix ta jamal te Cajwaltic te Dios yu'un Israel: “Jo'on la jtsaat yu'un ya x'ochat ta muc' ajwalil yu'un Israel, la jcoltayat ta sc'ab Saúl.

2 Samuel 22:49

Ja' te ya scoltayon ta sc'ab te jcontrotac, ja' te mach'atic amen yo'tanic te la stoy sbaic ta jtojole. Ja'at Cajwal, ya acoltayon ta sc'ab te j'uts'inwanejetique.

1 Crónicas 16:7

Ja' nix sc'aalelal a te David la yalbey mandal te sbabial buelta te Asaf soc te yermanotac, te jich ya xjajch' yalbeyic wocol Cajwaltic a:

Salmos 34:19

Te mach'a toj yo'tan, ay swocol yu'un te bitic amene; ja'uc me to, te Cajwaltic ya scoltay loq'uel ta spisil.

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Éxodo 15:1

Te Moisés soc te israeletic la sc'ajintayic c'ayoj te la yich'ic ta muc' a te Cajwaltique. Jich la yalic ta c'ayoj: “Ya me jc'ajintay ta yich'el ta muc' te Cajwale, melel jchajp nax te bit'il la yaiy tsalaw, mul ta mar caballoetic soc mach'atic cajalic tey a.

2 Corintios 1:10

Te Diose ja' la scoltayotic ta libre ta bay in lajel to, te c'axem to xan xiweltic sbae. Soc jujun c'aal ya scoltayotic xan loq'uel tey a. Jich jun co'tantic ya jmaliytic te ya scoltayotic loq'uel spisil ora ta bay te lajele,

Deuteronomio 31:30

Ja' yu'un te Moisés la sc'ajintay ta c'ayoj in to, ta xjajch'ibal soc ta slajibal. La sc'ajintaybey ta stojol ta spisil te israeletic stsoboj sbaique, jich la yal:

2 Timoteo 4:18

Ja' la scoltayon loq'uel ta yolil spisil te bila amene, soc ya me scanantayon ja' to c'alal ya sta yorail te ya yic'on bael ta banti ay ta ajwalinel te Diose. Ac'a ich'otuc ta muc' soc yutsilal sbajt'el q'uinal. Jichuc.

Jueces 5:1

Ja' yorail te jajch' ta c'ayoj te Débora soc te Barac te snich'an Abinoam. Jich la yalic ta c'ayoj:

1 Samuel 23:14

Te David jalaj ta nainel ta anjibal ch'entiquil te ayic ta witstiquil ta jochol taquin q'uinal Zif. Te Saúl jujun c'aal la sle te David, pero ma ba ac'bot ta sc'ab yu'un Dios.

1 Samuel 24:15

Ja' yu'un ay ta swenta soc ja' ac'a xchajbanotic ta jchebaltic stuquel te Cajwaltique. Ja' ac'a yil stuquel te bi ay ta jwenta, soc ac'a scoltayon ta ac'ab —xi' te David.

1 Samuel 25:29

Teme ay mach'a ya snutsat, yu'un ya sc'an ya smilate, ja' me swentainejbat acuxlejal te Cajwaltic Dios awu'une. Jich nix te acontro, ja' ni me te Cajwaltic te ya xch'oj bael ta jc'axele, jich te bit'il ya yich' ch'ojel bael ton ta jimoch'ile.

1 Samuel 26:24

Jich te bit'il la jc'uxtaybat acuxlejal te ja'at te muc' ajwalilate, teme jich ya sc'an te Cajwaltic teme jich ya xc'uxtaybon jcuxlejal uuc, soc te yacuc scoltayon te bit'il ay woclajel ya xtal ta jtojol —xi'.

1 Samuel 27:1

Pero te David la yal ta yo'tan: “Puersa ya sta yorail te ya smilon te Saule. Ja' yu'un te bila lec ya jpase, ya xboon ta anel ta sq'uinal filisteoetic, swenta yu'un jich me jun co'tan ya x'ainonix a, soc jich ma ba ya x'och sleonix ta sq'uinal Israel te Saule. Jich me ya xcolon loq'uel ta sc'ab a”, xi' te David.