2 Samuel 21:2 - Bible in Tzeltal de Oxchuc y Tenejapa

² Te David la yic' tel te gabaonetic, c'opoj soc. (Te gabaonetic ma israeleticuc, jchajp sts'umbal amorreoetic te ay to jilemique. Ja'ic te ay bi mero jc'axel xchapojic soc te israeletic, pero te Saúl ay c'an slajin spisilic ta jc'axel. Yu'un la scuy te jich ay bi lec ya spasbey ta stojol te Israel soc te Judá.)

Bible in Tzeltal Bachajón

² Ha yu'un te ajwalil la yic' tal te gabaonetic, la sc'opon. (Te gabaonetic ma ha'uc snich'nab Israel, ha sts'umbal amorreohetic te ay to hilique. Te snich'nab Israel ay bin la yalbeyic ta jamal, pero te Saúl c'an smilticlan scaj xut'et yo'tan yu'un te snich'nab Israel soc Judá.)

2 Samuel 21:2 ပူးပေါင်းရင်းမြစ်များ

Génesis 15:16

Ta xchancajal ats'umbal ya xcha'talic xan li'to, yu'un ma to sts'acaj jayeb smul te amorreoetique —xi' sc'oplal yu'un.

2 Samuel 24:1

Te Cajwaltic cha'jajch' xan yilimba ta stojol te israeletique. La stijbey yo'tan David te yacuc yac' ta censo te israeletic soc te judioetique.

2 Reyes 10:16

Jich la yalbey: —Joinawon, ya me awilon bit'il quich'oj ta muc' te Cajwaltique —xi'. Jich la yic' bael ta scarreta.

2 Reyes 10:31

Manchuc me jich albot te Jehú, pero ma ba la yac' puersa ta xch'uunel te smandal Cajwaltic te Dios yu'un Israel, melel ma ba la yijq'uitay te muliletic la spas Jeroboam te la yac'bey sta smulic te israeletique.

1 Crónicas 1:14

Ja' sts'umbal Canaán te jebuseoetic, te amorreoetic, soc te gergeseoetic,

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

Romanos 10:2

Jamal ya calbeyex ta atojolic te bit'il toyol yo'tanic ta stojol te Diose. Ja'uc me to, ma sna'ic te bit'il ya sc'an ch'uunel ta melel.

Gálatas 4:17

Te yantique bin nax yo'tanic ta atojolic, ja'uc me to, ma lecuc te bila snopojic ta yo'tanique. Yo'tan ya sloq'uesex ta jtojol, swenta yu'un jich me bin nax awo'tanic ya xc'oex ta stojolic stuquelic.

Deuteronomio 7:16

Yan te ja'exe ya me alajinic spisil te lumetic te ya yac'beyex ta ac'abic Cajwaltic te Dios cu'untique. Ma me xtal xc'uxul ta awo'tanic, soc ma me xach'uunic te diosetic yu'unique. Melel teme jich ya apasique, ja' me ch'aybil ya xc'oex yu'un abi.

1 Samuel 14:44

Te Saúl jich la yal ta tulan: —Jonatán, ac'a yac'bon buen tulan castigo te Dios teme ma ba ya xlajat ta milele —xi'.