2 Samuel 20:9 - Bible in Tzeltal de Oxchuc y Tenejapa

⁹ Te Joab la sjojc'obey te Amasa: —¿Lec bal ayat hermano? —la yut. La stsacbey ta yisim ta swa'el c'ab, la sbujts'i.

Bible in Tzeltal Bachajón

⁹ Te Joab la sjoc'obe te Amasa: ¿Lec bal ayat hermano? xchi. Hich te Joab la stsacbe ta swa'el-c'ab te yisim yu'un ya yuhts'uy.

2 Samuel 20:9 ပူးပေါင်းရင်းမြစ်များ

2 Samuel 15:5

Soc teme ay mach'a ya xnoptsaj ta sts'eel yu'un ya xpatbot yo'tan yu'une, te Absalón ya yac'bey te sc'ab soc ya smey sbujts'i.

2 Samuel 17:25

Te Absalón ja' yac'oj ta general yu'un soldadoetic te Amasa swenta sjelol Joab. Te Amasa snich'an jtul sts'umbal Ismael, Itra sbiil, te la yinamin Abigail, te yantsil-nich'an Nahas. Ja' yermana sba soc te Sarvia, te sme' Joab.

2 Samuel 18:29

Te muc' ajwalil jich la yal: —¿Lec bal ay te querem Absalón? —xi'. Te Ahimaas la sjac': —Te c'alal te Joab la sticunon tel te abaton awu'une, la quil te jajch'em c'op yu'unique, ma ba la jna' bi yac ta c'oel ta pasel —xi'.

2 Samuel 3:27

C'alal c'ot ta Hebrón te Abner, te Joab la yic' bael ta jejch' ta sti' yochibal te lume, swenta yu'un ya xc'opoj ta stuquel soc. Tey la yejch'entes ta xch'ujt', jich laj te Abner. Jich la sujt'esbey spacol te milbot te yijts'in Asael.

1 Reyes 2:32

Te Cajwaltic ja' ni me ya yac'bey c'otuc ta swenta te Joab te bit'il ja' nix ta scaj smul te laje. Melel te Joab ma smandaluc jtat te la smil ta puñal te cheb buen lequil winiquetic te c'axem lec yat'elic te bit'il yat'el stuquel. Ja'ic te Abner snich'an Ner, general yu'un soldado-israeletic, soc te Amasa te snich'an Jeter, general yu'un soldadoetic ta Judá.

Salmos 55:21

Mero lamal te sc'opique, c'axem jich sc'unil a te bit'il mantequilla; pero te sjolique, te yo'tanique, snopoj guerra stuquel. Mero lamal sc'opic, c'axem jich sc'unil a te bit'il aceite; pero c'ux ya caiytic te sc'opique, pajal soc milaw, melel jich c'oemic te bit'il puñal.

Proverbios 26:23

Teme bonbil ta plata te pac'bil oxome, jich c'oem te t'ujbil c'opetic te ay amen-o'tanil yu'une.

Proverbios 27:6

Ya to xju' ya smuc'ulin co'tantic te jpat-jxujc'tic te ya yejch'entesotic te sc'opique; ja' ma xju' ya smuc'ulin co'tantic te jcontrotic te bin nax yo'tan ya spat co'tantic yilele.

Jeremías 41:2

te Ismael soc te lajuntul winiquetic te joinbil bael yu'une, jajch'ic ta ora soc spuñalic, la smilic te Gedalías, te ac'bot jilel yat'el ta ajwalil ta Judá yu'un te muc' ajwalil ta Babilonia.

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.

Jueces 3:15

ja' to c'alal la yalbeyic wocol te Cajwaltique. Jich la slebey mach'a ya xcoltayotic yu'un. Te jcoltaywanej ja' te jtul winic q'uexen sc'ab ya x'at'ej, Aod sbiil, snich'an Gera, te ay ta sts'umbal Benjamín. Ta yorail aq'uel patan te israeletic ja' la sticunic Aod ta stojol Eglón.