2 Samuel 2:8 - Bible in Tzeltal de Oxchuc y Tenejapa

⁸ Pero te Abner te snich'an Ner, te capitán yu'un te soldadoetic yu'un Saúl la yic' bael te Is-boset te ja' snich'an te Saule. La yic' bael c'alal ta Mahanaim.

Bible in Tzeltal Bachajón

⁸ Pero te Abner snich'an Ner, te jtsobaw yu'un te soldadohetic yu'un Saúl, yic'ojix bahel ta Mahanaim a te Is-boset snich'an Saúl,

2 Samuel 2:8 ပူးပေါင်းရင်းမြစ်များ

Génesis 32:2

C'alal te Jacob la yil te ch'ul abatetic, jich la yal: “Ja' soldadoetic yu'un Dios”, xi' yu'un. Jich yu'un Mahanaim sbiil c'ot yu'un ta bay taote.

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

2 Samuel 17:24

Te David c'ot ta lum Mahanaim. Ja' yorail yac ta c'axel ta muc'ja' Jordán te Absalón soc ta spisil te israeletique.

2 Samuel 2:29

Te Abner soc te swinictac tojic bael ta muc'ul spamlej yu'un Arabá, sjunal ajc'ubal yacalic ta beel bael, c'axic ta Jordán, c'ax xch'uyic te Bitrón, c'otic c'alal ta Mahanaim.

2 Samuel 2:7

Ac'aic xan puersa, ma me xiwex. Manchuc me lajix te Saúl te ajwalil awu'unique, pero te sts'umbal Judá la stsaoniquix yu'un ya x'ochon ta muc' ajwalil yu'unic”, xi' te David.

2 Samuel 3:38

Patil te muc' ajwalil jich la yalbey te mach'atic sjoinej ta at'el: —Ana'ojiquix te lajel to jtul jwentainwanej ta Israel, jtul te mero bayal sc'oplale.

2 Samuel 3:6

Te c'alal yich'oj yip guerra yu'un a te sts'umbal Saúl soc te David, te Abner xquechet ta ju'el bael yu'un swentainel te sts'umbal Saule.

1 Crónicas 12:29

Te sts'umbal Benjamín, te tey loq'uem a te Saule: ay talic oxmil (3,000) winiquetic, ta neelal jteb ma spisiluc jun yo'tanic ta stojol Saúl.

1 Crónicas 12:30

Te sts'umbal Efraín: ay talic jtab ta jmil soc cha'bajc' (20,800) soldadoetic te ma xiwic, te pujq'uem sc'oplal ta yolil sts'umbalic.

1 Crónicas 8:33

Ja' snich'an Ner te Cis; ja' snich'an Cis te Saúl; ja' snich'nab Saúl te Jonatán, Malquisúa, Abinadab soc Es-baal.

1 Crónicas 9:39

Ja' snich'an Ner te Cis; ja' snich'an Cis te Saúl; ja' snich'an Saúl te Jonatán, Malquisúa, Abinadab soc Es-baal.

Josué 21:38

Ta sq'uinal sts'umbal Gad, ac'botic te lum Ramot te ay ta sq'uinal Galaad te ya xtuun ta anjibal lum, soc Mahanaim,

1 Samuel 14:50

Te yinam Saúl Ahinoam sbiil, yantsil-nich'an Ahimaas. Te general yu'un te soldadoetic yu'une Abner sbiil, snich'an Ner, stajun Saúl.

1 Samuel 17:55

Ta neelal to, te c'alal la yilic te loc' bael te David te ba sta sba soc te filisteo, te Saúl la yalbey te Abner, te general yu'un soldadoetic: —Abner, ¿mach'a snich'an te quereme? —xi'.

1 Samuel 26:14

Te David la yawtay te Abner soc te soldadoetic yu'un: —¡Abner, jac'bon te jc'ope! —xi' ta aw. La sjac' te Abner: —¿Mach'aat a te tal awawtay te muc' ajwalile? —xi'.