2 Samuel 2:5 - Bible in Tzeltal de Oxchuc y Tenejapa

⁵ jich la sticun ta alel: “Ac'a yac'beyex bendición te Cajwaltic te la ac'uxtayic te Saúl te ajwalil cu'untic te bit'il la amuquique.

Bible in Tzeltal Bachajón

⁵ te David la sticon bahel winiquetic ta stojol te winiquetic yu'un Jabes ta sq'uinal Galaad, hich la yalbeyic: Ac'a ya'beyex bendición te Jehová yu'un te la ac'uxultayic te Saúl te ajwalil awu'unic, te la amuquique.

2 Samuel 2:5 ပူးပေါင်းရင်းမြစ်များ

Génesis 14:19

Te Abram c'anbot bendición, jich albot yu'un: —Ja'at Abram, ac'a yac'bat bendición te Dios te toyol ay stuquele, ja' te mach'a la spas te ch'ulchan balumilal.

Génesis 14:22

Te Abram la sujt'esbey sc'op te muc' ajwalil yu'un Sodoma: —Jc'axel la calix ta stojol Dios te toyol ay stuquele, te la spas te ch'ulchan balumilal,

2 Samuel 15:20

melel wojey to nax julat yaiyel. Ja' yu'un ma jc'an te ya xtal ajoinotic, melel ni jo'ucon ya jna' banti yacalon ta bael. Ja' lec te ya sujt'ate, soc ic'a sujt'el te jayeb alumale. Ac'a yac'bat bendición, soc ac'a sjoinat spisil ora te Cajwaltique —la yut.

2 Samuel 21:12

te David bajt' ta stsobel tel sbaquel te Saúl soc te snich'an, ja' te Jonatán, te ay ta sq'uinal te yajwal Jabes-ta-Galaad. Ja' te la smuquen-ich'beyic tel ta yolil lum Bet-sán, te banti la sjijp'anic te filisteoetic, te c'alal la stsalic te Saúl ta Gilboa.

Salmos 115:15

Te Cajwaltic te spasoj ch'ulchan balumilal, ac'a yac'beyex bendición ta atojolic.

Josué 2:14

La sjaq'uic: —Lec ay, jo'otic ya cac' jbajtic ta lajel ta awentaic teme ma jichuc ya xc'ote, ja' nax teme ma'yuc mach'a ya awalbey yaiy te bila swentail te talemotique. Te c'alal ya yac'botic ta jc'abtic Cajwaltic te q'uinale, ya me jc'uxtaytiquex —xiic.

Jueces 21:8

¿Ay bal israeletic te ma ba stejc'anej sba ta stojol Cajwaltic ta Mizpa? —xiic. La sna'ic te ja' ma ba bajt'ic ni jtuluc ta tsoblej te lum Jabes-yu'un-Galaad.

Rut 1:8

Ja'uc me to, la yalbey ta be xchebal te yalibe: —Baanic, sujt'anic bael ta sna te ame'ique. Ya me xc'uxtayex te Cajwaltic, jich bit'il la ac'uxtayic te anima amamlalic, soc nix te bit'il la ac'uxtayonic te jo'one.

Rut 2:20

Te Noemí la sjac': —Te Cajwaltic ac'a yac'bey bendición ta stojol. Melel te Cajwaltic la xc'uxtayotiquixe, jich nix bit'il la spasbon soc te animaetic cu'untique. Te winique ja' quermanotic nix a, ay me ta swenta te ya scoltayotique —xi'.

Rut 3:10

La yal te Booz: —Ya me yac'bat bendición te Cajwaltique. Ta ora to la awac' ta ilel te jun awo'tan tel ta stojol te anima amamlale, melel ma ja'uc la ale te querem te jc'uleje soc ni ja'uc te me'bae.

1 Samuel 11:1

Nahas, muc' ajwalil yu'un Amón, bajt' ta Jabes-yu'un-Galaad, c'o xchajban te soldadoetic yu'une swenta yu'un ya me yac'beyic guerra te lum Jabes. Pero te yajwal te lum Jabes jich la yalbeyic: —Jpastic trato, jich me ya cac' jbajtic ta ac'ab —xiic.

1 Samuel 11:9

Jich la yalbey te jpuc-c'opetic julemic tele: —Albeya te yajwal Jabes te pajel ta olil c'aal ya me jcoltaytic —la yut. Bajt'ic te jpuc-c'opetique, c'o yalbeyic te yajwal Jabes. Bin nax yo'tanic yu'un.

1 Samuel 15:13

Jich bajt' te Samuel te banti ay Saúl, jich la yal te Saúl: —Ac'a yac'bat bendición te Cajwaltique. C'otix ta pasel cu'un te smandale —xi'.

1 Samuel 23:21

Jich albotic yu'un te Saúl: —Ac'a yac'beyex bendición te Dios te bit'il la ana'bonic yo'bolil jba.

1 Samuel 24:19

Melel ma'yuc mach'a ya xju' yu'un jich ya spas te ayix ta sc'ab te scontro, te buen lec ay a ya scoltay baele. Ja' yu'un, ja' ac'a stojbat ta buen lec te Cajwaltic te bi la apasbon ta jtojol te naxe.