2 Samuel 2:32 - Bible in Tzeltal de Oxchuc y Tenejapa

³² Patil la yich'beyic bael te sbaq'uetal Asael, ba smuquic ta Belén ta smuquenal stat. Joab soc te swinictac sjunal ajc'ubal beenic, yac ta sacubel q'uinal a c'otic ta Hebrón.

Bible in Tzeltal Bachajón

³² Patil la yich'beyic bahel te sbaq'uetal Asael, baht smuquic ta Belén ta smuquenal stat. Te Joab soc te winiquetic yu'un sjunal ahc'abal behenic, yac ta sacubel q'uinal a c'ohtic ta Hebrón.

2 Samuel 2:32 ပူးပေါင်းရင်းမြစ်များ

Génesis 47:29

La sta yorail te la sna' stojol te mamal Israel te nopol ya xlajixe, jich yu'un la sticun ta iq'uel te snich'ane, ja' te José. Jich la yalbey: —Teme c'uxon ta awo'tane, ac'a tel ac'ab ta yanil ca', ya me awalbon ta stojol Dios te puersa me ya xc'ot ta pasel awu'un te bila ya calbate. Wocoluc, ma me x'amucon li'to ta bay Egipto.

Génesis 47:30

Teme laj coraile, ya me awich'bon loq'uel jbaq'uetal ta Egipto, ya me xc'o amucon ta bay smuquenal te jme'-jtate —la yut. —Jichuc, jich me ya jpas te bit'il la awalbone —xi' te José.

2 Samuel 2:31

Pero te jayeb mach'atic st'unojic David la smilic waxaclajunwinic (360) ta jtul benjaminetic soc nix te swinictac Abner.

2 Samuel 5:1

Ta patil spisil ta jchajp te sts'umbal Israel bajt'ic ta Hebrón, ja' ba sc'oponic te David. Jich c'o yalbeyic: —Te jo'otic jun jts'umbaltic.

2 Crónicas 16:14

Ba smuquic ta smuquenal te yaloj mandal ta pasel ta Lum-yu'un-David. La sq'uechic bael, nojel ta perfumeetic soc spisil bitic bujts'anic te c'ax t'ujbil chajbanbile. La spasic muc'ul c'ajc' swenta yich'jibal ta muc'.

2 Crónicas 21:1

Laj te Josafat, bajt' ta muquel ta Lum-yu'un-David, te antiguo smame. Ja' och ta ajwalil te Joram, ja' te snich'ane.

Proverbios 22:29

Te mach'a ya spas ta lec te yat'ele, ya me x'ic'ot ta at'el ta stojol muc' ajwaliletic; ma ja'uc ya x'at'ej ta stojol te mach'atic peq'uelique.

Jueces 8:32

Mamalub te Gedeón, laj bael. La smuquic ta bay smuquenal Joás, ja' te state, ay ta lum Ofra, te lum yu'un sts'umbal te Abiezer.

1 Samuel 17:58

La sjojc'obey te Saúl: —Albon caiy, querem, ¿mach'a snich'anat? —xi'. La sjac' te David: —Snich'anon Isaí ta Belén, te abatotic awu'une —xi'.