2 Samuel 18:4 - Bible in Tzeltal de Oxchuc y Tenejapa

⁴ La sjac' te Davide: —Lec ay jiche, ja' me ya jpas te bila lec ya awaiyique —xi'. Te David ora la xujq'uin sba ta yochibal te lume. La yac' c'axuc loq'uel te soldadoetic ta tsojboltsojp ta juju-jmil (1,000) soc ta jo'jo'winic (100).

Bible in Tzeltal Bachajón

⁴ Hich ya jpas te bin lec yac awa'iyic, xchi te ajwalil. Hich la yac' sba ta yochibal te pueblo te c'alal loq'uic bahel te jujuchahp ta ho'ho'winic (100) soc ta jujumil (1,000).

2 Samuel 18:4 ပူးပေါင်းရင်းမြစ်များ

2 Samuel 18:1

Te David la yajtay te soldadoetic yu'une, la xchap ta juju-jmil (1,000) soc jo'jo'winic (100). La yac' jtul capitán ta stojol te juju-jtsojp te soldadoetic yu'une.

2 Samuel 18:24

Jich te David nacal ta yolil ta xchebal te spuertail sts'ajc'ul te yochibal te lume. Te j'il-q'uinale moem bael ta ba na ta yajc'olal yochibal sts'ajc'ul te lume. La stoy sit te j'il-q'uinal, la yil jtul winic stuquel yac ta talel ta animal.

2 Samuel 18:5

Te muc' ajwalil la to spas xan ta mandal te Joab, te Abisai, soc te Itai. Jich la yalbey: —Ta swenta te c'uxon ta awo'tanique, lec nax me xac'oponic te jquerem Absalón —xi'. Spisil soldadoetic la yaiyic te bi la yal te muc' ajwalil ta stojolic te capitanetic ta scaj Absalón.

Isaías 28:6

Ja' ya yac' ta lequil chajbanwanej te juecetic te yich'oj yat'elic ta chajbajibal, soc ya yac'bey yip yo'tanic te soldadoetic te ya scanantayic te lume.

1 Samuel 29:2

Te capitanetic yu'un te soldado-filisteoetic yacalic ta marcha loq'uel ta chajbalchajp swenta compañía soc ta swenta batallón. Te David soc te swinictac yacalic ta marcha ta patil soc Aquis stuquelic.