2 Samuel 18:3 - Bible in Tzeltal de Oxchuc y Tenejapa

³ Pero la sjac'beyic: —Ma'uc, muc' ajwalil cu'untic, ma ba ya xbaat te ja'ate. Melel teme ya xloc'otic ta anel ta stojol te jcontrotic, ma'yuc bayal sc'oplal. Soc teme ya xlajotic olile, ja' nix jich ma'yuc bayal sc'oplal. Yan teme ja'at ya xlajate, pajal soc te ya xlaj lajunmil (10,000) ta jtul. Ja' yu'un ja' lec te ya xjilat ta lum, swenta yu'un ya me aticunbotic jajch'el yantic te mach'a ya scoltayotic —la yutic.

Bible in Tzeltal Bachajón

³ Pero la yalic: Ma me xbahat; como teme ya xloc'otcotic ta ahnel ma ba ya yich'otcotic ta cuenta; soc teme j'ohlil ya xlajotcotic, ma ba ya yich'otcotic ta cuenta. Yan te ha'at pajal ac'oblal soc lajunmil ta tuhl te ho'otcotique. Ha yu'un ha lec xan a teme yac acoltayotcotic c'alal ta pueblo, xchihic.

2 Samuel 18:3 ပူးပေါင်းရင်းမြစ်များ

2 Samuel 10:11

Te Joab jich la yalbey te Abisai: —Teme ja' ya stsalbelon ya awil te siriaetic, ya me xtal acoltayon. Ja' nix jich teme ja' ya stsalat ya quil te amonetique, jo'on me ya xtal jcoltayat.

2 Samuel 17:2

C'alal bi ora lajemix yip, c'alal lubenix a, ya xc'o jlumtay, ya me cac'bey xiwel ta melel. Spisil te mach'atic sjoinej, ya me xloq'uic ta anel. Ma'yuc mach'a yan ya jmil, ja' nax te muc' ajwalile.

2 Samuel 21:17

Pero te Abisai, yal Sarvia, ba scoltay te David. La stsac sba soc te filisteo, la smil jilel. Ja' yu'un te swinictac David yaquic ta yalel ta jamal te ma'yuc bi ora ya x'och xan ta guerra te Davide swenta yu'un ma ba ya xtup' te c'ajc' tsumul c'oem ta yolil Israel.

1 Reyes 22:31

Pero te muc' ajwalil ta Siria la yalbey mandal te lajchayeb xcha'winic (32) capitanetic yu'un carretaetic te ma me yanuc mach'a ya yac'beyic, ja' me ac'a smilic te muc' ajwalil yu'un Israel.

Lamentaciones 4:20

Tsacotix ta pejts' te mach'a tsabil yu'un te Cajwaltique, ja' te mach'a cuxulotic ta swenta, ja' te muc' ajwalil, te la calbeytic sc'oplale: “Ya me xcuxinotic ta awaxinal ta yolil te lumetique”, te xootic yu'une.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

1 Samuel 18:7

Te c'alal yacalic ta c'ayoj soc yacalic ta ajc'ot a te antsetic, jich yacalic ta yalel: “Jmil (1,000) ta jtul winiquetic la smil Saúl, lajunmil (10,000) ta jtul la smil David”, xiic.