2 Samuel 17:8 - Bible in Tzeltal de Oxchuc y Tenejapa

⁸ Ja'at nix mero ana'oj te ma xiwic te atat soc te swinictaque. Yo'tic mero jajch'em slab yo'tanic, jich c'oemic te bit'il sme' ja'mal oso te yich'oj pojel yalataque. Soc xan, te atate mero c'aem ta guerra, ma ja'uc sjoinej ya xc'ax ajc'ubal te swinictaque.

Bible in Tzeltal Bachajón

⁸ Soc la yal xan te Husai: Ha'at ana'oj te ma xiwic te atat soc te winiquetic yu'un, soc hahchem slab yo'tanic hich te bin ut'il me' oso te yich'oj pojbeyel yalatac. Soc te atat mero ya sna' yaq'uel guerra, ma ba ya sjoquin ta ahc'abal te pueblo.

2 Samuel 17:8 ပူးပေါင်းရင်းမြစ်များ

2 Samuel 15:18

Ta xujc' la yac' sbaic te abatetic yu'une. Yan te cereteoetic soc te peleteoetic, ja' te jcananetic yu'un ajwalil, soc te lajunwinic xcha'bajc' (600) geteoetic te t'unot tel yu'un c'alal ta lum Gat, spisilic neelajic c'axel ta stojol.

2 Samuel 17:9

Yo'tic, snac'ojix sba ta nailch'en, o ay wan ta yan lugar. Soc teme ta xjajch'ibal to ya xchicnaj ta alel te ay lajix te mach'atic st'unojate, puersa me ay mach'a ya yal te lajix ta tsalel te mach'atic st'unojate.

2 Samuel 23:16

Ja' yu'un te oxeb ju'em yu'unic tsalawe, ju' yu'unic te smuquen-ochic bael tey ta scampamento filisteoetique. C'o slupic loq'uel tel te ya'lel pozo ay ta sti'il Belén, la yac'beyic yuch' te David. Pero ma la sc'an la yuch', la smal ta lum swenta smajt'an te Cajwaltique.

2 Samuel 23:18

Te Abisai yijts'in Joab, te yalatac Sarvia, ja' jtsobwanej yu'un te lajuneb xcha'winic (30) ta jtul mach'atic ju'em yu'unic tsalaw. Ay jich c'ot ta pasel te la yac'bey guerra jo'lajunwinic (300) ta jtul winiquetic, la smil ta slanza spisilic. Jich toy sc'oplal ta stojol te lajuneb xcha'winic (30) ta jtule,

2 Reyes 2:24

Te Eliseo la sut sba ta stojolic, la yil bael: —Yo'tic ya me yac'bat castigo te Cajwaltique —la yut. Ora loc' tel ta ja'mal cha'cojt' osoetic, milotic yu'un cheb yoxwinic (42) ta jtul queremetic.

Proverbios 17:12

Ja' lec ja'uc ya jta jbajtic soc me' oso te jajch'em sc'ajc'al yo'tan yu'un te elc'anbot te yale; te manchuc ja'uc ya jta jbajtic soc te mach'a ma sna' q'uinal te ay bila ya sc'an ya spase.

Proverbios 28:15

Pajal soc león-choj te ya x'awun, o jich bit'il oso te ay ta wi'nale, jich c'oem te mach'a amen yo'tan te ochem ta ajwalil yu'un te me'baetique.

Ezequiel 19:2

Te ame' me' león-choj c'oem, te me' león-choje, nain ta yolil león-chojetic. Jun nax xch'en soc, tey la xch'ijtes a te yalataque.

Daniel 7:5

“Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

Oseas 13:8

Ya xloc'on tel ta stael jich bit'il me' oso te pojbil yalataque, ya me jlombey te xch'ujt'e. Jichon me te bit'il león-choj, te tey nax ya sti' a; jich bit'il jti'awal ja'mal chambalam te ya stsac ta ti'ele.

Jueces 18:25

Te danetic la sjaq'uic: —Ma me xtoyat soc te ac'ope. Ja' me wocol teme ay ma xcujch' cu'untic te jo'otique, te ya jlajintic acuxlejal te ja'at soc te mach'atic ay awu'une —xiic.

1 Samuel 16:18

Pero ay jtul yabat te jich la yal: —Ay quiloj jtul snich'an Isaí, ja' te mach'a ay ta Belén, te mero ya sna' stijel ta lec te arpa, soc mero ma xiw ta guerra, soc buen lamal yo'tan ya xc'opoj. T'ujbil querem, soc joinbil yu'un te Cajwaltique —xi'.

1 Samuel 17:50

Jich la stsal te filisteo te David; ja' nax soc sjimoch' soc jp'ij ton la yejch'entes swenta lajel. Te bit'il ma'yuc yich'oj puñal stuquel te David,

1 Samuel 23:23

Ila me awilic ta lec te nac'ojibaletic ta banti ya x'oche. Patil ya me sujt'ex tel ta jtojol te c'alal mero ana'ojiquix ta lec a, jich me ora ya joinexix bael. Teme mero melel te bay ya awalique, xtiq'uet me ya jle ta juju-jchajp sts'umbal Judá —xi'.