2 Samuel 16:9 - Bible in Tzeltal de Oxchuc y Tenejapa

⁹ Te Abisai yal Sarvia, jich la yalbey te muc' ajwalile: —¿Bi yu'un te ya stijat ta c'op te muc' ajwalilat ja' me lajem ts'i'e? Yo'tic nix ya xba jc'ocbey sjol —xi'.

Bible in Tzeltal Bachajón

⁹ Ha yu'un te Abisai te yal Sarvia, hich la yalbe te ajwalil: ¿Bin yu'un ya sbohlc'optay te ajwalil cu'un te chamen ts'i' ini? Awocoluc, ac'awon sohlel yu'un ya jbojbe loq'uel sjol, xchi.

2 Samuel 16:9 ပူးပေါင်းရင်းမြစ်များ

2 Samuel 19:21

Te Abisai yal Sarvia, jich la yal: —¿Yu'un bal ma jichuc ya sc'an jiche te ya xlaj te Simei, te bit'il la yixtac'optay te muc' ajwalil te tsabil yu'un te Cajwaltique? —xi'.

2 Samuel 19:22

La sjac' te David: —Ma awentauc, yalatac Sarvia. ¿Bi yu'un ya atoy abaic ta jtojol? Yo'tic ya jna' ta lec te jo'on te muc' ajwalilon yu'un te Israele. Ja' yu'un ma'yuc mach'a ya xju' ya xlaj ta Israel ja' in c'aal to —xi'.

2 Samuel 3:30

Joab soc Abisai la smilic te Abner, melel milbot te yijts'inic yu'un te Abner te c'alal ay guerra ta Gabaón.

2 Samuel 3:8

Te Abner bayal ilin yu'un te tijot ta c'op yu'un te Is-boset, jich la yalbey: —¿Yu'un bal ts'i'on ta ac'op te cac'oj jba ta abatinel ta swenta Judá? Te jo'one mero jun co'tan ta stojol te sts'umbal Saúl, ja' te atate, soc te xchapomale soc te mach'a jun yo'tan sba soque, ma ba cac'ojat ta sc'ab David. Pero te ja'ate yacat ta yalel te la jta jmul ta swenta te jtul antse.

2 Samuel 9:8

Pero te Mefi-boset la stinan sba, jich la yal: —¿Bi yu'un te ayon ta na'el awu'un te abaton awu'une, cajwal? Melel pajalon soc lajem ts'i' —xi'.

Éxodo 22:28

“Xujt' ma me xabolc'optay te Diose, soc ma me xaboltesbey sc'oplal te mach'a ya xmandalaj ta alumale.

San Lucas 9:54

Te cheb jnopojeletic, te Jacobo soc te Juane, la yilic te ma ac'botic ta majanel te nae. Jich la yalbeyic te Jesuse: —Cajwal, ¿ya bal ac'an te yacuc caltic mandal te ya xco tel c'ajc' ta ch'ulchan te jich me ya xlajic yu'un, [jich te bit'il la spas ta namey te j'alwanej Eliase]? —xiic.

Hechos 23:5

La yal te Pabloe: —Quermanotac, ma la jna' teme ja' te muc' sacerdotee, melel ya yal te ts'ibubil ta Sjun te Diose: “Ma me xabolc'optay te mach'a yich'oj yat'el ta alumale”, te xie —xi' te Pabloe.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

1 Samuel 24:14

¿Mach'a yac alebel te ja'at te muc' ajwalilat yu'un Israel? ¿Mach'a a te yacat ta snutsele? Jo'on te jichon ta atojol te bit'il lajem ts'i', soc jichon te bit'il ch'ac.