2 Samuel 16:4 - Bible in Tzeltal de Oxchuc y Tenejapa

⁴ La yal te muc' ajwalil: —Lec ay jiche. Yo'tic ja'at awu'unix spisil te bitic yu'un ta namey te Mefi-boset —xi'. —Bayal yutsil teme ya ana'bon yo'bolil jbae, muc' ajwalil cu'un —xi' ta sjaq'uel te Siba, soc la stinan sba ta stojol te muc' ajwalile.

Bible in Tzeltal Bachajón

⁴ Ha yu'un te ajwalil hich la yalbe te Siba: Lec ay hiche. Yo'tic ha'at awu'unix spisil te bintic ay yu'un te Mefi-boset, xchi. La snijan sba te Siba, hich la yal: Te lecucon ta asit, ajwalil cu'un, xchi.

2 Samuel 16:4 ပူးပေါင်းရင်းမြစ်များ

2 Samuel 14:22

Te Joab la stinan sba coel c'alal ta lum, la yac'bey sta lum sti'ba, seña yich'el ta muc'. La yalbey yutsil sc'oplal te muc' ajwalil, jich la yalbey: —Yo'tic la quilix te ayon ta wenta awu'une, melel la awich'bon ta wenta te jc'ope, soc la apasbon te bi la jnop te jo'on te awabatone —xi'.

2 Samuel 14:4

te ants talem ta Tecoa bajt' ta stojol te muc' ajwalile. La stinan sba coel c'alal ta lum, la yac'bey sta lum te sti'ba swenta seña yich'el ta muc', jich la yalbey: —Wocoluc, muc' ajwalil, coltayawon —xi' c'oel.

2 Samuel 14:8

Jich te muc' ajwalil la sjac'bey sc'op te antse: —Baan ta ana, ya me cal mandal te lec ya awich' chajbanele —xi' sc'oplal.

2 Samuel 16:3

Jojc'obot yu'un te muc' ajwalil: —¿Banti ay te Mefi-boset, te smam te anima awajwale? —xi' sc'oplal. —Jil ta Jerusalén, melel yac ta sna'el teme ay ya sujt'esbot ta swenta yu'un te israeletic te yat'el ta muc' ajwalil te smame —xi' te Siba.

2 Samuel 16:5

Te c'alal c'ot ta Bahurim te muc' ajwalil David, loc' tel jtul winic tey a sts'umbal Saúl, Simei sbiil, snich'an Ger. Yac ta bolc'optaywanej.

2 Samuel 19:27

Pero la sleonix ta c'op ta atojol, muc' ajwalil cu'un. Pero te ja'at cajwal, jichat te bit'il ch'ul abat yu'un Dios, ja' ya apas te bi lec ta pasel ya awaiye.

2 Samuel 9:6

C'alal jul ta stojol David te Mefi-boset, snich'an Jonatán, smam Saúl, la stinan sba swenta seña yich'el ta muc'. —Mefi-boset —xi' te David. La sjac' te Mefi-boset: —Jo'on ayon ta awenta, cajwal —xi'.

2 Samuel 9:9

Pero te muc' ajwalil la yic' tel te Siba, te abat yu'un Saúl ta neelal, jich la yalbey: —La cac'beyix te smam te anima awajwal ta spisil te bitic yu'un c'ax ta q'uinal, soc te bitic yu'un a te mach'atic ay yu'une.

Éxodo 23:8

“Ma me xach'uun stsaquel taq'uin ta swenta xchajbanel aiyej, ya me xc'atp'ujat ta ma'sit yu'un c'oem. Jich ya xch'ay c'uxtayel ta swenta te mach'a toj yat'ele.

Proverbios 18:13

Ja' bol-o'tanil soc ja' q'uexlaltic sba te mach'a ora ya sjac', c'alal ma to xyaiy stojol spisil te c'ope.

Proverbios 18:17

Te mach'a sbabial ya scoltay sba ta c'op, smelelil yaiyel te bila ya yale; ja' to c'alal ya xc'ot te scontroe, jich ya xchicnantesot yu'un.

Proverbios 19:2

Te mach'a toyol yo'tane, ma lecuc teme ma ba ya snop neeluc te bila ya spase; te mach'a bayal ya x'animaj yo'tane, ya sta falta yu'un.

Deuteronomio 19:15

“Teme jtul nax te mach'a ya yalbey smul te mach'a spasoj te bila mero mulile, o te bila falta, ma me tic'uc a. Ja' to me ay ta wenta a teme ay cheb oxeb testigoetic yu'une.