2 Samuel 15:1 - Bible in Tzeltal de Oxchuc y Tenejapa

¹ C'alal c'ax bael jtebuc c'aal, te Absalón wejt' yu'un jun scarreta swenta guerra soc caballoetic, la xchajban lajuneb yoxwinic (50) winiquetic te ya xcanantayot yu'une.

Bible in Tzeltal Bachajón

¹ Ta patil a ini, te Absalón la sta scarreta scuenta guerra soc cawuhetic soc lajuneb yoxwinic (50) winiquetic te ya xnahilijic bahel yu'un.

2 Samuel 15:1 ပူးပေါင်းရင်းမြစ်များ

2 Samuel 12:11

Jo'on te Awajwalon ya cal ta jamal: Ja' ni me te mach'atic ay awu'un te ya cac' yac'bat te awocole, soc ta asit ni me ya quic'bat te antsetic awu'une, ya me cac'bey ta sc'ab te mach'a ma yanuc parte awu'une. Ja' me ya xway soc, ya me xchicnaj ta ilel ta c'aaleltic ta sacal q'uinal.

1 Reyes 1:33

jich albotic yu'un: —Ic'a ajoinic ta spisil te jo'tac ta at'el ta ajwalil, mojt'esaic ta jmula te jnich'an Salomón, ic'aic bael ta Gihón.

1 Reyes 1:5

Jich ora te snich'an David Adonías sbiil, te yal Haguit, la xchajban sba yu'un guerra, la yal te ja' ya x'och ta muc' ajwalile. Ja' yu'un la xchajban carretaetic yu'un guerra, soldadoetic te cajajtic ta caballo, soc lajuneb yoxwinic (50) ta jtul jcanantaywanejetic yu'un.

Salmos 20:7

Ja' yip yo'tanic ta sc'opic te scarretaic yu'un guerra, ay yantic te ja' yip yo'tanic ta sc'opic te scaballoique; yan te jo'otic, ja' yip co'tantic te Cajwaltic te Dios cu'untique.

Proverbios 11:2

Te toybail ya xch'ay ich'el ta muc' yu'un; yan te p'ijil-o'tanile, ja' yich'ojic te mach'atic peq'uel yac'oj sbaique.

Proverbios 16:18

Te bila ya xtal ta spat te toyba-o'tanil, ja' te jinele; te bila ya xtal ta spat te toybail, ja' te pejc'anele.

Proverbios 17:19

Te mach'a ya smulan sbolc'optayel te yantique, ya smulan sjachel c'op; teme toyol yac'oj sbae,stuquel ya sjin sba.

Deuteronomio 17:16

Pero te muc' ajwalile ma me xju' ya sman bayal caballoetic, soc ma xju' teme ay mach'atic ya sticun ta Egipto swenta yu'un ya x'esmaj a te caballoetic yu'une. Melel jich yaloj te Cajwaltique: “Jc'axel ma me ayuc bi ora ya xcha'sujt'ex xan tel yan buelta li' ta be”, te xie.

1 Samuel 8:11

Jich la yalbey: —Aiya me awaiyic, ya cac'beyex ana'ic te bila ya spas ta atojolic te muc' ajwalil yacalex ta sc'anele. Ya me yic'beyex ta soldadoil te awal-anich'nabique. Ay me ya yac'bey swentain at'el ta carretaetic yu'un guerra, soc ay me ya yac'bey swentainic at'el ta caballoetic yu'un guerra, soc ay ya yic' yu'un ya xcanantayot yu'un.