2 Samuel 14:9 - Bible in Tzeltal de Oxchuc y Tenejapa

⁹ La sjac' te ants: —Muc' ajwalil cu'un, cajwal, teme ay mach'a ya x'ac'bot smuline, ac'a c'otuc ta jwenta jo'on soc te mach'atic ay cu'un ta swenta te jtate, pero ma me ja'ucat, soc ma me ja'uc xtaot ta alel te awat'ele —xi'.

Bible in Tzeltal Bachajón

⁹ La sjac' te ants te talem ta Tecoa: Cajwal, ac'a c'ohtuc ta jtojol te mulil soc ta stojol te mach'atic ay yu'un te jtat, pero te ajwalil soc te cuentahinwanej yu'un ma me ayuc smul stuquel, xchi.

2 Samuel 14:9 ပူးပေါင်းရင်းမြစ်များ

Génesis 27:13

La sjac' te sme': —Cal, jo'on ac'a c'otuc ta jwenta te castigo ya awale. Yan te ja'ate ch'uunbon te bila la calbate, baan ic'bon tel te alal tentsunetique —la yut.

Génesis 43:9

Jich yu'un te quereme ya jwentain bael. Teme ay ya sta faltae, jo'on me ya awac'bon jmulin sbajt'el q'uinal. Puersa me ya quic' sujt'el tel.

2 Samuel 14:10

La sjac' te muc' ajwalil: —Teme ay mach'a ay bi ya yal ya spasbate, ic'bon tel. Jich ma'yuc bi ora ya yuts'inatix a —xi'.

2 Samuel 14:8

Jich te muc' ajwalil la sjac'bey sc'op te antse: —Baan ta ana, ya me cal mandal te lec ya awich' chajbanele —xi' sc'oplal.

1 Reyes 2:33

Te xch'ich'elic ac'a c'otuc ta swenta Joab soc ta swenta sts'umbal sbajt'el q'uinal. Yan ta stojol David soc te patil alnich'anetic yu'un te xmelmon ya x'ochic bael ta muc' ajwalile, soc te muc'ul nactijibal yu'une, sbajt'el q'uinal lamal q'uinal ta stojol yu'un Cajwaltic stuquel —xi'.

Números 35:33

“Ma me xaboltesbeyic sc'oplal ta swenta smalel ch'ich' te lumq'uinal ta bay ya x'ainexe, melel te ch'ich' ya sboltesbey sc'oplal te lumq'uinale. Ma xju' te ya yac' taq'uin swenta scoltayel ta libre te jtul jmilawale, jich yu'un puersa me ya yich' milel te mach'a la smal ch'ich' swenta yu'un ya xlecub sc'oplal te lumq'uinale.

San Mateo 27:25

Maj nax la yalic te lume: —Jichuc, ac'a jmulintic soc cal-jnich'antic smalbeyel xch'ich'el —xiic.

1 Samuel 25:24

La spajc'an sba xan yan buelta ta mero ye'tal yoc, jich la yalbey: —Te mulile, cajwal, jo'on ac'a c'otuc ta jwenta. Wocoluc, ac'awon ta c'op, soc te yacuc awaiybon te bila ya jcholbat awaiye: