2 Samuel 14:3 - Bible in Tzeltal de Oxchuc y Tenejapa

³ Ya me xba atejc'an aba ta stojol te muc' ajwalile, soc mero jich ya xc'o awalbey te bit'il ya calbat awaiye —la yut. Te c'alal Joab laj yo'tan ta yalel te bi ya xc'o yal ta stojol muc' ajwalil,

Bible in Tzeltal Bachajón

³ Bahan ta stojol te ajwalil soc hich me xawalbe, xchi. Hich te Joab la ya'be sna' te bin ya xc'oht yale.

2 Samuel 14:3 ပူးပေါင်းရင်းမြစ်များ

2 Samuel 14:19

Te David la sjojc'obey: —¿Ja' bal la yac'bat apas spisil te Joab, te bitic yacat ta spasel in to? —xi'. La sjac' te antse: —Ya calbat ta jamal ta atojol, cajwal, melel te bit'il yacalat ta yalele. Melel nix a, ja' te Joab te general yu'un soldadoetic awu'une, ja' la spason ta mandal, ja' nix la yalbon te bitic la cale.

2 Samuel 14:4

te ants talem ta Tecoa bajt' ta stojol te muc' ajwalile. La stinan sba coel c'alal ta lum, la yac'bey sta lum te sti'ba swenta seña yich'el ta muc', jich la yalbey: —Wocoluc, muc' ajwalil, coltayawon —xi' c'oel.

Esdras 8:17

La calbey bael mandal te ya xbajt' yula'tayic te Ido, te ja' jwolwanej yu'un te Casifia sbiile. La calbey bael spisil te bila ya xc'o yalbey te Ido, soc te sjo'tac te abatetic yu'un templo te ayic ta Casifia, swenta yu'un ya yic'botic tel winiquetic, yu'un ya scoltayotic tey ta templo yu'un te Dios cu'untique.

Éxodo 4:15

Albeya yaiy, cholbeya spisil te bila ya xc'o yale. Ya me xc'opojon loq'uel ta aweic te c'alal ya xc'opojexe. Ya me calbeyex xan ta patil te bila ya apasique.

Isaías 51:16

La jlim bael te ch'ulchan soc la cac'bey yiptajib te balumilale. Jo'on la cac'bat ta awe te jc'ope, soc la jcanantayat ta yaxinal te jc'abe. La calbey te Sión: “Ja'at lumat cu'un”, la cut —xi' te Cajwaltique.

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.

Jeremías 1:9

Jich yu'un te Cajwaltic la yac' tel sc'ab, la spicbon que soc jich la yalbon:

Números 23:5

Jich yu'un te Cajwaltic la yac'bey ta ye te Balaam te bila ya yale, jich la yalbey: —Sujt'an bael ta bay Balac, jich ya awalbey te bit'il nix calojbate —utot.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.