2 Samuel 14:2 - Bible in Tzeltal de Oxchuc y Tenejapa

² Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

Bible in Tzeltal Bachajón

² Ha yu'un la sticon ta iq'uel tal jtuhl p'ijil ants ta Tecoa, hich la yalbe: Ya calbat wocol te yacuc ap'is aba te ayat ta mel-o'tan, lapa c'u'ul scuenta mel-o'tan, ma me xawa'be aba perfume, ya sc'an te hich yac awac' aba te bin ut'il ants te ayix bayel c'ahc'al ay ta mel-o'tan ta scuenta te ay mach'a cham yu'une.

2 Samuel 14:2 ပူးပေါင်းရင်းမြစ်များ

Génesis 38:19

Jajch' bael te Tamar, la sloq'ues te pac' smucoj sit a. La xcha'lap xan sc'u'-spac' ta swenta bit'il me'ba ants.

2 Samuel 11:26

C'alal la yaiy te yinam Urías te lajix te smamlal, la yoq'uetay.

2 Samuel 12:20

Jich ora te David, jajch' ta lum, atin, la yac'bey sba perfume, la sjeltay sc'u'-spac', och bael ta templo ta xch'uunel te Cajwaltique. Patil bajt' ta sna, la sc'an swe'el.

2 Samuel 20:16

Pero ora nax tal jtul ants te bayal sp'ijil, jajch' ta aw c'alal ta ba ts'ajc': —¡Aiya awaiyic! ¡Aiya awaiyic! Wocoluc, albeyaic te Joab, ac'a noptsajuc tel yu'un ya jc'an ya xc'opojon soc —xi'.

2 Samuel 23:26

Heles, paltita-winic; Ira, snich'an Iques, talem ta Tecoa;

1 Reyes 14:2

Te Jeroboam jich la yalbey te yinam: —Baan lapa yan c'u'il te ma'yuc mach'a ya sna'bat aba yu'une, swenta yu'un jich ma ba ya sna'bat aba a te ja'at quinamate, baan ta Silo. Tey nainem a te Ahías te j'alwanej yu'un Dios te la yalbon te jo'on ya x'ochon ta muc' ajwalil yu'un te nacione.

1 Reyes 14:5

Pero ac'bot sna' yu'un te Cajwaltic te ya xbajt' ta stojol te yinam Jeroboam ta sjojc'oyel te bit'il ya xc'ot te yal yac ta chamele. Soc albot te bila sujt'ib ya yac'bey te sc'ope, soc te bit'il syantesej sba a te ya xc'ote.

2 Crónicas 11:6

Jich la yac'bey xan yipic te lum Belén, Etam, Tecoa,

2 Crónicas 20:20

Ta yan c'aalil buen sab jajch'ic, swenta yu'un ya xjajch'ic ta beel ta stojol jochol taquin q'uinal Tecoa. Te c'alal yacalic ta beel a, te Josafat la stejc'an sba ta yalel bael: —Aiybon awaiyic stojol jc'op, yajwalex Jerusalén soc ta spamal Judá: Ac'a smuc'ulin awo'tanic te Cajwaltic, te Dios cu'untique, jich me ma xtal xiwel ta awo'tanic. Ac'a me smuc'ulin awo'tanic te bi la yal te j'alwanejetic yu'une, jich me lec ya xc'oex ta loq'uel ta spisil a —xi' te Josafat.

Nehemías 3:27

Te mach'atic talemic ta Tecoa, ja' la xcha'pasic xan te yan jmajq'ue. Jajch' yu'unic ta elawal yu'un muc' toyol ts'ajc' te c'axem stoyolile, c'ot c'alal ta sjoyob ts'ajc'ul Ofel.

Nehemías 3:5

Te yan jmajc' te joyob ts'ajq'ue ja' la xcha'spasic te yajwal Tecoa, manchuc teme te mach'atic ich'bilic ta muq'ue ma ba la sc'an scoltayic te jwolwanejetic yu'unique.

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

Eclesiastés 9:8

Spisiluc me ora buen sac ac'u'-apac' ya alap, spisiluc me ora ya awac'bey perfume ajol.

Jeremías 6:1

Ants-winiquetic ta sq'uinal Benjamín, leaic anjibal, ananic loq'uel ta Jerusalén. Oq'uesinaic oq'ues ta Tecoa, tejc'anaic jun señail ta Bet-haquerem, melel ay bila ma lecuc ya xtal soc muc' bila amen te ayix tel ta stojol norte.

Amós 1:1

Ja' sc'op te Amós, te jcanan-chij ta lum Tecoa, te ac'bot ta swenta yalel yu'un Dios te sc'oplal Israel. Cheb ja'wil sc'an xtal nijq'uel a, ta yorail Uzías te muc' ajwalil ta Judá, soc Jeroboam snich'an Joás te muc' ajwalil ta Israel.

San Mateo 6:17

Yan te ja'exe, te c'alal ya apasic ayunoe, tesa ajolic, poca asitic.

Rut 3:3

Jich yu'un ya me apas te bila ya calbate: Poca aba, atina perfume, soc lapa bael ta bay mero lec te ac'u'-apaq'ue. Ya me xbaat tey a; ja'uc me to, ma me xawac' yilat te Booz te c'alal ma to xlaj yo'tan ta we'el-uch'el a.