2 Samuel 13:4 - Bible in Tzeltal de Oxchuc y Tenejapa

⁴ Ay jun c'aal la sjojc'o te Jonadab: —¿Bi ya apas, Amnón, snich'an ajwalil? ¿Bi yu'un te jujun c'aal yantic awilel ta bolobel ya quil? ¿Ma bal xju' ya awalbon caiy? —xi'. Te Amnón la sjac': —Yu'un ja' mero bayal ya jmulan te Tamar te yijts'in te quermano Absalón —xi'.

Bible in Tzeltal Bachajón

⁴ hich la yalbe te Amnón: Snich'anat ajwalil, ¿bin yu'un te jujun c'ahc'al yacat ta yahubel? ¿Ma bal yacuc xhu' yac awalbon ca'iy? xchi. La sjac' te Amnón: Yu'un mero bayel ya jmulan te Tamar te yihts'in te jbanquil Absalón, xchi.

2 Samuel 13:4 ပူးပေါင်းရင်းမြစ်များ

2 Samuel 13:3

Pero te Amnón ay jtul te mach'a jun yo'tan sba soque te mero ay sp'ijil, Jonadab snich'an Simea, ja' nix sbanquil te David.

2 Samuel 13:5

Te Jonadab jich la yal: —Mejts'ana aba ta awayib, pasa aba te yacat ta chamel. Te c'alal ya xba yilat te atate, albeya wocol ac'a sticunbat tel te awijts'in Tamar, swenta yu'un ya yac'bat awe'el, soc tey nix ya xchajbanbat a te we'elile, swenta yu'un ya me awil soc ya awe' te bi ya yac'bat stuquele —xi'.

1 Reyes 21:5

Ja' yu'un te Jezabel te yinam, noptsaj bael ta sts'eel, jich la yalbey: —¿Bi yu'un te ameloj awo'tan, te ma x'ac'an ya xwe'ate? —la yut.

1 Reyes 21:7

Te Jezabel, ja' te yiname, jich la yal: —¡Pero ja'at ay ta awenta pasaw ta mandal ta stojol Israel! Baan ta we'el, binuc nax me awo'tan. Jo'on me ya jchajban te sts'usubil Nabot —xi'.

Isaías 3:9

Ja' nix ya xchicnaj ta yelawic te smulique; ma xju' ya smuquic. Ja' pajalic soc te lum Sodoma, ya xchicnaj smulic ta stojol spisil balumilal. ¡Obol me sbaic, melel stuquelic nix te ya xchajban castigo ta stojolique!

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Levítico 18:9

“Ma me xwayat soc awix soc awijts'in-ach'ix, manchuc me awix awijts'in ta swenta te atate, o ta swenta te ame'e, manchuc me ay ta ana, manchuc ainem ta yan parte, pero ma me xju' jich ya apasbey.

Levítico 20:17

“Teme ay winic ya yic' yinamin xwix o yijts'in-ach'ix, manchuc me yijts'in ta swenta stat o ta swenta sme', teme la sta sba soque, ya me yich'ic loq'uesel ta stojol te slumalique. Melel te bit'il ya sta sba soc te jun sme' o jun stat soque, mero q'uexlaltic sba ta pasel. Ja' yu'un te mach'a ya spase, ya xcuch te smul yoloj la slee.

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.