2 Samuel 13:3 - Bible in Tzeltal de Oxchuc y Tenejapa

³ Pero te Amnón ay jtul te mach'a jun yo'tan sba soque te mero ay sp'ijil, Jonadab snich'an Simea, ja' nix sbanquil te David.

Bible in Tzeltal Bachajón

³ Pero te Amnón ay yamigo, Jonadab sbihil, snich'an Simea, sbanquil te David. Te Jonadab ya sna' lo'loywanej,

2 Samuel 13:3 ပူးပေါင်းရင်းမြစ်များ

Génesis 3:1

Te chane c'ax jich sp'ijil yu'un lo'laywanej a te bit'il spisil yantic ja'mal chambalametic ta q'uinal pasbil yu'un te Diose. La sjojc'obey te antse: —¿Jich bal yalojbat te Diose: “Ma me xalo'bey sit spisil te te'etic ayic ta awalts'unubil”, xi' bal te Diose? —la yut.

Génesis 38:1

Te Judá la yijq'uitay te sbanquiltac soc te yijts'inabe, ba sjoin jtul adulam-winic te Hira sbiile.

Génesis 38:20

Patil te Judá la sticun bael te ch'in tentsune. Ja' la yac'bey yic'bey bael te mach'a jun yo'tan sba soc, ja' te adulam-winique, swenta yu'un ya sujt'esbot te prendal la yac' jilele. Ja'uc me to, ma ba teyix a te antse.

2 Samuel 13:2

Ay swocol la yaiy yu'un. Bayal bi la snopilay ta yo'tan, asta tsacot ta chamel yu'un te bayal bila snope. Melel te yijts'in Tamar ma'yuc tabil ta winic, ja' yu'un mero wocol ya xwejt' yu'un te bi ya xju' ya yute.

2 Samuel 13:32

Pero te Jonadab te snich'an Simea te sbanquil David, c'opoj, jich la yal: —Muc' ajwalil, ma me xacuy te spisil laj ta milel te anich'nabe. Ja' nax laj te Amnón. Melel jich la xchap ta yo'tan te Absalón te c'alal stsacbot te yijts'in Tamar yu'un te Amnón.

2 Samuel 13:4

Ay jun c'aal la sjojc'o te Jonadab: —¿Bi ya apas, Amnón, snich'an ajwalil? ¿Bi yu'un te jujun c'aal yantic awilel ta bolobel ya quil? ¿Ma bal xju' ya awalbon caiy? —xi'. Te Amnón la sjac': —Yu'un ja' mero bayal ya jmulan te Tamar te yijts'in te quermano Absalón —xi'.

2 Samuel 14:2

Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

2 Samuel 21:21

La slaban te Israel, pero milot yu'un te Jonatán snich'an Simea sbanquil David.

1 Crónicas 2:13

ja' snich'an Isaí te Eliab, ja' te sba snich'ane; te Abinadab, ja' te xchebale; te Simea, ja' te yoxebale;

1 Crónicas 27:32

Ja' ay ta jtojteswanej yu'un David te Jonatán te stajun, p'ijil winic te ya sna' ta lec. Ja' te mach'a swentainejbey snich'nab te muc' ajwalile, ja' te Jehiel te snich'an Hacmoni.

Ester 5:10

Pero ma ba la yac' sba ta na'el ta yorail te jajch'em slab yo'tane. Yan te c'alal c'ot ta snae, la sticun ta iq'uel tel te yamigotac soc te Zeres, ja' te yiname.

Ester 5:14

Jich te yinam soc ta spisil te yamigotac jich albot yu'un: —Ticuna ta pasel junuc te', te ay cheb xcha'winic (22) metro snajt'ile. Pajel ta sab ya ac'anbey te muc' ajwalil te ya yich' jijp'anel moel a te Mardoqueo. Jich me jun awo'tan ya xbaat ta we'el swenta q'uin soc a te muc' ajwalil —xiic. Te c'op in to la smulan te Amán, jich la sticun ta pasel te te'e.

Ester 6:13

La yalbey yaiy te yinam soc te yamigotac ta spisil te bila c'ot ta pasele, jich albotic yu'un: —Teme sts'umbal judio te Mardoqueo, te ma'yuquix awat'el yacat ta c'oele, ma xju' awu'un stsalel. Puersa me ja'at mero tsalbil ya xc'oat —xiic.

Proverbios 19:6

Te mach'a ya xmajt'anteswan soc te ma'yuc st'ut'ile; bayal mach'atic ya xtalic ta leel yu'un, soc ya xjunaj yo'tan soc.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

1 Corintios 3:19

Melel te p'ijilil yu'un in balumilal to, ma'yuc swentail ya yil te Diose. Jich bit'il te ts'ibubil jilel ta Sjune: “Te Diose ya me sjowtesbey yo'tanic te mach'atic p'ijic, ta scaj te ay sp'ijil ta sc'opique”, te xie.

Santiago 3:15

Te p'ijil-o'tanil to, ma ja'uc talem ta bay te Diose. Ja' p'ijil-o'tanil swenta balumilal, soc yu'un te ch'ich'-baq'uet, soc yu'un te pucuje.

Jueces 14:20

Pero te yiname ja' ac'bot yic' yinamin te testigo yu'un Sansón.

1 Samuel 16:11

Ta slajibal la sjojc'obey: —¿Ma bal ayuquix yan anich'an? —la yut. —Ja' xanix te ijts'inale, te jcanan-chij cu'untique —xi' te Isaí. La yal te Samuel: —Ticuna ta iq'uel tel, ma xju' ya x'och we'el ja' to teme jul tele —xi'.

1 Samuel 16:9

Te Isaí la yic' xan tel stejc'anbey ta sit Samuel te Sama, pero jich la yal te Samuele: —Ma ja'uc te tsabil yu'un te Cajwaltique —xi'.