2 Samuel 13:2 - Bible in Tzeltal de Oxchuc y Tenejapa

² Ay swocol la yaiy yu'un. Bayal bi la snopilay ta yo'tan, asta tsacot ta chamel yu'un te bayal bila snope. Melel te yijts'in Tamar ma'yuc tabil ta winic, ja' yu'un mero wocol ya xwejt' yu'un te bi ya xju' ya yute.

Bible in Tzeltal Bachajón

² Ay swocol yu'un, tsacot ta chamel yu'un ta scuenta Tamar ha te yihts'ine. Scaj te ach'ix to ma ba weht bin la spasbe ta stojol.

2 Samuel 13:2 ပူးပေါင်းရင်းမြစ်များ

2 Samuel 13:1

Te Absalón snich'an David ay jtul yijts'in-ach'ix, buen t'ujbil, Tamar sbiil. Pero ay yan yijts'in, Amnón, snich'an nix David, mero bayal la smulan te ach'ixe.

2 Samuel 13:3

Pero te Amnón ay jtul te mach'a jun yo'tan sba soque te mero ay sp'ijil, Jonadab snich'an Simea, ja' nix sbanquil te David.

1 Reyes 21:4

Te Acab bajt' ta sna, ay ta mel-o'tan soc boloben yo'tan ta swenta te bi albot yu'un te Nabot, ta scaj te albot te ma ba ya x'ac'bot te bila ac'bil jilel yu'un sme'-stat. C'alal c'ot ta sna, la smejts'an sba ta swayib, la sut bael sit ta pajc', soc ma ba we'.

Cantares 5:8

Antsetic ta Jerusalén, teme la atabonic te mach'a bayal ya jmulane, wocoluc albeyaic te ya xlajonix yu'un te smulanele.

2 Corintios 7:10

Yu'un teme ya jmel co'tantic ta stojol te Diose, jich me ya yac' sujt'es co'tantic, soc tey me ya xcolotic a. Jich ma ba ya caiytic xan mel-o'tan ta patil. Yan teme ja' ya jmel co'tantic ta swenta nax te balumilale, ya yac'otic ta lajel stuquel.