2 Samuel 13:1 - Bible in Tzeltal de Oxchuc y Tenejapa

¹ Te Absalón snich'an David ay jtul yijts'in-ach'ix, buen t'ujbil, Tamar sbiil. Pero ay yan yijts'in, Amnón, snich'an nix David, mero bayal la smulan te ach'ixe.

Bible in Tzeltal Bachajón

¹ Te Absalón snich'an David, ay jtuhl yihts'in ach'ix, buen t'ujbil, Tamar sbihil. Te Amnón snich'an David bayel la smulan te ach'ixe.

2 Samuel 13:1 ပူးပေါင်းရင်းမြစ်များ

Génesis 29:18

Jich yu'un te Jacob ja' la smulan te Raquel. La yalbey te Labán: —Ya cac' jba ta abatinel awu'un juqueb ja'wil teme ja' ya awac'bon te Raquel, ja' te ijts'inale —xi'.

Génesis 29:20

Jich yu'un te Jacob juqueb ja'wil la yac' sba ta abatinel yu'un te Labán swenta yu'un ja' ya yic' a te Raquel. Ma chicanuc c'ax la yaiy te juqueb ja'wile, ta scaj te bayal la smulane.

Génesis 34:3

Te Siquem la smulan te Dina, la sc'an te ya yic' sba soc, lec la sc'opon.

Génesis 6:2

te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

2 Samuel 11:2

Ta jun mal c'aalil jajch' ta swayib te David, och ta comcom beel ta yamaq'uil sba na. Tey la sta ta ilel jtul buen t'ujbil ants a, yac ta atimal. Lajel to xchajbanbel sba ta stojol Dios yu'un te xchamel swenta jujun u. Te David la sticun ta jojc'oyel te mach'a a te antse. Albot yaiy te Betsabé sbiil te antse, yantsil-nich'an Eliam, yinam Urías, ja' te hitita-winique. Te David la sticun abatetic yu'un ya x'ic'bot tel, way soc, patil sujt' bael ta sna.

2 Samuel 13:15

Pero ora nax jc'axel bolob ta sit te Amnón, mero ilaybil c'ot yu'un la yaiy ta yo'tan. C'ax jich la yaiy a te bit'il yac to smulanbel a. Ja' yu'un la spas ta mandal, jich la yalbey: —Jajch'an, baan —la yut.

2 Samuel 13:2

Ay swocol la yaiy yu'un. Bayal bi la snopilay ta yo'tan, asta tsacot ta chamel yu'un te bayal bila snope. Melel te yijts'in Tamar ma'yuc tabil ta winic, ja' yu'un mero wocol ya xwejt' yu'un te bi ya xju' ya yute.

2 Samuel 14:27

Te Absalón ay oxeb squerem-nich'nab soc jtul yantsil-nich'an, Tamar sbiil, mero t'ujbil ach'ix.

1 Reyes 11:1

Te Salomón ma ja'uc nax te yantsil-nich'an faraón te la yic' yinamin, la to yic' xan jyanlum-antsetic a: moab-antsetic, amon-antsetic, edom-antsetic, sidon-antsetic, hitita-antsetic,

1 Crónicas 3:2

te yoxebale, Absalón, ja' yal te Maaca te yantsil-nich'an Talmai, muc' ajwalil yu'un Gesur; te xchanebale, Adonías, ja' yal te Haguit;

1 Crónicas 3:9

Spisilic ja' snich'nab David, ma ba tsacbil ta ajtayel stuquel te yalatac te yantic antsetic yu'une. Te ants Tamar ja' nix yantsil-nich'an David.

Proverbios 31:30

Te mach'a t'ujbil sba ta ilele, tojol ya xlo'laywan; te st'ujbilal c'axel nax ay ta q'uinal stuquel. Pero te ants ya yich' ta muc' te Cajwaltique, ja' me buen lec sc'oplal stuquel.

Proverbios 6:25

Ma me xawac' slo'laybat awo'tan te st'ujbilale; ma me xawac' stsalat te sit-yelawe.