2 Samuel 12:9 - Bible in Tzeltal de Oxchuc y Tenejapa

⁹ ¿Bi yu'un te ma'yuc sc'oplal ta awo'tan te jc'ope? ¿Bi yu'un ja' la apas te bi ma jmulane? Melel la achap ta awo'tan te la amil te Urías te hitita-winique, ja' la awac' milotuc yu'un te amonetique. Soc la awic'beyix te yiname.

Bible in Tzeltal Bachajón

⁹ ¿Bin yu'un te mayuc sc'oblal ta awo'tan te sc'op te Jehová te la apas te bin chopol ta stojol? La awac' ta milel ta espada te Urías te heteo-winic soc la awic'be te yihname. La awac' ta milel ta scuenta te espada yu'un te amonetique.

2 Samuel 12:9 ပူးပေါင်းရင်းမြစ်များ

2 Samuel 12:10

Te bit'il ma ba la awich'on ta muq'ue, te la awic'bey te yinam Urías te hitita-winique, te la awinaminbeyixe, ma'yuc bi ora ya xquejch'aj te lajel ta milel ta stojol te mach'atic ay awu'une.

2 Samuel 16:7

pero te Simei yac ta utaw, jich yac ta yalel: —¡Loc'an bael li', c'a' jmilawal!

1 Reyes 15:5

Melel te David, buen toj la yac' sba ta sit Cajwaltic, soc ja' la spas te bitic lec sc'oplal ta stojol Cajwaltic yu'une. Melel te jayeb c'aal cuxin, ma'yuc bi ora te la xch'ay ta yo'tan te smandal Cajwaltic, ja' nax te bi la spasbey ta stojol te Urías te hitita-winique.

1 Reyes 21:19

Jich me ya awalbey: “Jich ya yalbat te Cajwaltic: ‘Te bit'il la amil te Nabot, soc te la apojbey te bila ay yu'une, tey nix ta banti lec'bot xch'ich'el yu'un ts'i'etic, tey nix me ya slec'bat ach'ich'el ts'i'etic uuc a’, xi'” uta me —xi' te Cajwaltique.

2 Crónicas 33:6

Ay la xchic' te snich'nab ta swenta majt'anil ta stenlej xatal q'uinal Ben-hinom. La yich' ta muc' te pucujetique, soc bajt' ta stojol te mach'a ya sna'ic syoljoltayel. Spisil ora la sc'opon te ch'ulelaletic, soc la spasulay jpic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwal ta stojol.

Salmos 51:14

Dios cu'un, ac'awon ta libre yu'un te la caiy milaw, melel Diosat te Jcoltaywanejat cu'une; ya me jpucbat ac'oplal ta c'ayojetic te toj awo'tan atuquele.

Salmos 51:16

Melel ma x'ac'an majt'anil soc chic'bil majt'aniletic; ya cac'bat te jichuque; ja'uc me to, ma ja'uc lec awo'tan yu'un.

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

Salmos 90:8

Te jmultic soc te jboliltic jamal chican ta ilel ta atojol.

Proverbios 14:2

Te mach'a toj ay ta q'uinal, yich'oj ta muc' te Cajwaltique; yan te mach'a ma xtojob te yo'tane, yilayej stuquel.

Isaías 5:24

Ja' yu'un, jich te bit'il ya xc'ajc' te aque, soc ora ya xlaj bael ta c'ajq'uel te staquin yabenal te te'etique, ja' ni me jich ya xch'ayex bael te ja'exe. Ja' me pajalat soc te te'etic ya xc'a'ic te yisime, te jich ya xc'atp'uj te bit'il tan te sniche. Melel la awilayic te p'ijubtesel soc te mandaliletic yu'un te Cajwaltic te Spisil ya xju' yu'un, ja' te Ch'ul Dios yu'un Israel.

Jeremías 18:10

ja'uc me to, teme ya spas te bila amen te nacione, soc teme ma'yuc sc'oplal ta yo'tan te ya jultesbey yo'tane, jich yu'un ma ba ya jticunbeyix te yutsilalic jchajbanejbeye.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

1 Samuel 15:19

¿Bi yu'unix a jiche te la ac'axintaybey te smandale? Tey bajt' awo'tan ta bi la yich' pojel te acontroe. Ma lecuc yo'tan yu'un te Cajwaltic te jich la apase —xi'.

1 Samuel 15:23

Te mach'a ya sta smul ta stojol Cajwaltic ta scaj stoybail, ja' pajal soc te mach'a ya sta smul ta scaj ay bi ya xju' yu'un sna'el ta sc'ope. Ja' pajal soc te mach'a ya xch'uun loc'ombaetic te mach'a ya xc'axintaybey te smandale. Te ja'ate la ach'aybey smandal te Cajwaltic, ja' yu'un ja' nix jich ch'aybil ya xc'oat soc awat'el ta muc' ajwalil —xi'.

1 Samuel 15:26

La sjac' te Samuel: —Ma niwan, ma ba ya joinat sujt'el, melel la ach'aybey smandal te Cajwaltique. Yo'tic ja' ni me jich ch'aybil ya xc'oat soc awat'el ta muc' ajwalil ta stojol Israel —xi'.