2 Samuel 11:1 - Bible in Tzeltal de Oxchuc y Tenejapa

¹ Te David ay jun buelta te la sticun bael te Joab soc te capitanetic soc ta spisil te soldado-israeletique. Ja' yorail te xjajch'ibal snajt'il c'aal te jich la spase, yu'un ja' yorail te c'aem ya xloq'uic ta guerra te ajwaliletique. Te soldado-israeletic la slajinic te amonetique, soc la sjoytaybeyic te slumale, ja' te Rabá. Pero David jilem ta Jerusalén.

Bible in Tzeltal Bachajón

¹ Ta yorahil ya x'ach'ub ya'binal te'etic, te bin ora ya xloq'uic bahel ta guerra te ajwaliletic, te David la sticon bahel te Joab soc te a'batetic yu'un soc spisil Israel. La slajinic te amonetic soc la sjoytayic te Rabá. Pero hil ta Jerusalén te David.

2 Samuel 11:1 ပူးပေါင်းရင်းမြစ်များ

2 Samuel 10:14

Te c'alal la yilic te amonetic te yacaliquix ta anel te siriaetic, loq'uic ta anel uuc ta stojol te Abisai, ochic bael ta yutil lum. Te Joab la yijq'uitay jilel te amonetic, ma ba la yac'beyix guerra. Sujt' bael ta Jerusalén.

1 Reyes 20:22

Patil te j'alwanej yu'un Dios la stejc'an xan sba ta stojol te muc' ajwalil yu'un Israel, jich la yalbey: —Baan, tsoba xan yantic soldadoetic awu'un, nopa ta lec te bi ya sc'an ya apase. Melel te muc' ajwalil yu'un Siria, ta yan ja'wil ya me xcha'tal yac'bat xan guerra —xi'.

1 Reyes 20:26

C'alal c'ax jun ja'wil, te Ben-adad la yajtay te siriaetique. Patil bajt'ic ta lum Afec, ba stsac sbaic soc te Israel.

1 Crónicas 20:1

Ja' yorail a te ya xloq'uic ta guerra te ajwaliletique. Te Joab la xchajban te soldadoetic, ba sjinbeyic te sq'uinal amonetic. Bajt'ic ta sjoytayel te lum Rabá, la yac'beyic guerra ja' to c'alal lilaj jilel ta jyalel. Jilem to ta Jerusalén a te David.

2 Crónicas 36:10

Ta yorail ya xjajch' ta najt'ubel te c'aal yu'un a te ja'wile, te muc' ajwalil Nabucodonosor la sticun ta iq'uel bael ta Babilonia, soc te biluquetic te mero bayal sc'oplalic ta templo yu'un Cajwaltic, soc la yac' sjelolin xan jilel ta muc' ajwalil ta Judá soc ta Jerusalén te Sedequías, ja' stajun te Joaquín.

Salmos 60:9

¿Mach'a ya yic'otic bael ta lum te ay sjoyob ts'ajc'ule? ¿Mach'a ya yic'otic bael c'alal Edom?

Eclesiastés 3:8

Ay yorail mulanel, soc ay yorail ilayel. Ay yorail guerra, soc ay yorail lamal q'uinal.

Jeremías 49:2

“Lec ay, jo'on Ajwalilon, jich ya cal: Ya me xc'ot sc'aalelal te ya cac'bey yaiy stojol te aw yu'un guerra te amonetic ta lum Rabá. Ta busulbus me ya xc'atp'uj ta jinem ts'ajc'; te juju-jpam lum ta sjoylejal ya me xtilic ta c'ajq'uel. Jich yu'un te Israel ya me yu'unin xan te lumetique. Jo'on Ajwalilon, jich ya cal.

Jeremías 49:3

“Ac'a ajc'anajuc te Hesbón, melel te lum Hai la yich'ix jinel. Oq'uetaya abaic, antsetic ta Rabá; lapaic ch'ixal pac', maja awo'tanic yu'un; animajanic jichuc mach'atic soquem sjolic, ejch'entesa abaic. Melel te dios Milcom awu'unic ya x'ich'ot bael ta yan q'uinal, soc ya x'ic'otic bael uuc te sacerdoteetic yu'un soc mach'atic muc' sc'oplalic.

Ezequiel 21:20

Ya me apasbey seña jun be te banti ya xc'ax soc spuñal te muc' ajwalile. Te lumetic ja' me te Rabá-yu'un-amonetic soc Jerusalén, ja' te lum ay sts'ajc'ul ta sjoyobal te ay ta Judá.

Amós 1:14

Jich yu'un ya me cac'bey sc'aal te ts'ajq'uetic yu'un Rabá, tan me ya xjil yu'un te muc'ul naetic te c'alal ay aw yu'un guerra, soc xpumet nax me, jichuc yic'al ja'al ta yorail.

Zacarías 14:3

Pero te Cajwaltic ya me yac'bey guerra te nacionetic, jich te bit'il mero ya stsac sba soc ta yorail guerra.

Deuteronomio 3:11

(Te muc' ajwalil Og ja' slajibal sts'umbal te refaimetique. Te swayibe puro taq'uin pasbil, ay chaneb metro snajt'il soc jteb xanix ma ba staoj cheb metro sjamalul. Chican to ta ilel ta lum Rabá te ay ta sq'uinal te amonetique.)

1 Samuel 18:30

Soc xan te c'alal ya yic' loq'uel ta guerra te jtsobwanej-filisteoetic, te David puersa ja' bayal yutsil sc'oplal yat'el ya xc'ot; ja' peq'uel sc'oplal ya xloc' te yantic abatetic yu'un te Saule. Ja' yu'un te David ja' mero ich'bil ta muc' c'ot yu'un te lume.