2 Samuel 10:6 - Bible in Tzeltal de Oxchuc y Tenejapa

⁶ Te amonetic la sna'ic te bolob yo'tan ta stojolic te David. Ba yic' sjoinic jtab ta jmil (20,000) soldado-siriaetic ta Bet-rehob soc ta Soba, soc te muc' ajwalil ta Maaca la yac' jmil (1,000) swinictac, soc ac'botic lajchaymil (12,000) winiquetic yu'un Is-tob.

Bible in Tzeltal Bachajón

⁶ Te c'alal la yilic te snich'nab Amón te ihlintaybil c'ohtic ta stojol David, la stojic j'ohlil yoxpic (20,000) ta tuhl siriohetic ta Bet-rehob soc ta Soba, lajunwinic yoxbahc' (1,000) ta tuhl winiquetic yu'un te ajwalil ta Maaca, soc j'ohlil scha'pic (12,000) ta tuhl winiquetic yu'un Is-tob.

2 Samuel 10:6 ပူးပေါင်းရင်းမြစ်များ

Génesis 34:30

Te Jacob la yalbey te Simeón soc te Leví: —Ja'ex ta awentaic te bit'il ya me slab-o'tantayoniquix spisil te cananeoetic soc te ferezeoetic te nainemic li' ta q'uinal to. Te bit'il ma ba tsobolon te jo'one, ya me stsob sbaic tel xtal smilonic, jich ya xlajon soc spisil mach'a ay cu'un —xi'.

2 Samuel 10:5

C'alal la yaiy te David, la sticun ta tael, melel mero q'uexlal ayic. La sticun ta alel te ja' lec ya to xjilic ta Jericó, ja' to ya sujt'ic bael teme muc'ub xan te yisimique.

2 Samuel 10:7

Pero te David la yaiy. Jich la sticun te Joab soc ta spisil ta xchajbal te soldadoetique.

2 Samuel 16:21

Te Ahitofel la sjac': —Wayan soc te antsetic yu'un atat, te yijq'uitayej yu'un ya scanantaybeyic sna, swenta yu'un jich me ya sna' spisil Israel te jc'axel la awac' aba ta ilayel yu'un te atate. Jich me ya yich' xan yip yo'tanic te jayeb mach'atic ayic ta atojole —xi'.

2 Samuel 23:34

Elifelet snich'an Ahasbai, snich'an Maaca; Eliam snich'an Ahitofel, talem ta Gilo;

2 Samuel 8:12

ja'ic te Edom, Moab, Amón, filisteoetic, soc te amalequetic, soc te la spojbey ta guerra Hadad-ezer te snich'an Rehob, te muc' ajwalil ta Soba.

2 Samuel 8:3

Soc la stsal te Hadad-ezer, te snich'an Rehob, te muc' ajwalil ta Soba, te c'alal yac ta yu'uninel xan a te q'uinal ta muc'ja' Eufrates.

2 Samuel 8:5

C'otic ta ora te siriaetic ta lum Damasco, c'o scoltayic te Hadad-ezer te muc' ajwalil yu'un Soba. Pero te David la stsal te siriaetic, la smil cheb xcha'winic ta jmil (22,000).

1 Reyes 11:24

La stsob winiquetic, la sjoin ta elec', ja' jtsobaw yu'un c'ot te jchajp j'eleq'uetique. Te c'alal milbot yu'un David te swinictac, te Rezón bajt' ta Damasco, tey och ta muc' ajwalil a.

2 Reyes 7:6

Yu'un ja' nix te Cajwaltic te la yac'bey yaiyic te siriaetic te chicnaj sc'op carretaetic yu'un guerra, soc caballoetic soc bayal soldadoetic. Te siriaetic la scuyic te la xchapix sc'op te muc' ajwalil yu'un Israel soc te yantic muc' ajwaliletic yu'un hititaetic soc muc' ajwaliletic yu'un egipcioetic te ya x'ac'botic guerra yu'unique.

Salmos 48:4

Melel la stsob sbaic te muc' ajwaliletique, pajal tal yac'beyic guerra te lum Jerusalén;

Éxodo 5:21

Jich la yalbeyic: —Te Cajwaltic ya me yil te bila yacalex ta spasele, ac'a yac'beyex castigo. Melel ja'ex amulic te bit'il ma'yuquix jc'oplaltic ta yo'tan faraón soc te sjo'tac ta ajwalile. Ja'ex la awac'beyic yat'ejib ta sc'abic c'oem yu'un ya smilotic a —la yutic.

Proverbios 25:8

ma me xba awal ta ora ta stojol te mach'atic yich'oj yat'elique; repente ay yan testigo ya xju' ya stsalat ta c'op, jich ma x'ana' bi ya apas ta patil.

Jeremías 40:8

Bajt'ic soc te soldadoetic yu'unic ta Mizpa, ta yilel te Gedalías. Ja'ic te Ismael snich'an Netanías; Johanán soc Jonatán, snich'nab Carea; Seraías snich'an Tanhumet; te snich'nab Efai te ay ta Netofá; soc Jezanías, snich'an jtul winic ta lum Maacat, soc te winiquetic yu'unique.

Jeremías 46:21

Te soldado tojbil sc'aalic yu'une, jichic yilel te bit'il jujp'en wacaxetic; ja'uc me to, jich nix ya xloq'uic ta animal ta anel. Ma xcujch' yu'unic, melel ya xc'otix sc'aalelal te swocolic, te yorail castigo yu'une.

Deuteronomio 3:14

(Jair te patil alnich'an yu'un Manasés, ja' la yu'unin te jsejp q'uinal yu'un Argob c'alal ta banti sts'acoj sba soc te q'uinaletic yu'un Gesur soc Maacá. Jair la yac'bey sbiilin te sq'uinal Basán, Havot-jair c'ot te sbiil yu'une, ja' te sbiil yich'oj c'alal ora.)

Jueces 11:3

Jich yu'un te Jefté an loq'uel ta stojol te yermanotaque, ba ainuc ta bay q'uinal te Tob sbiile. Tey la stsob milawetic a te ya xloq'uic bael ta spasel bol at'elil soque.

Jueces 11:5

Te mamaletic ta Galaad la sticunic ta iq'uel tel te Jefté ta q'uinal Tob.

Jueces 18:28

Te lume najt' yiloj sba soc Sidón. Ma'yuc mach'a jun yo'tan sba soc, jich ma'yuc mach'a tal scoltay. Ay ta muc'ul stenlej xatal q'uinal te ay ta swenta Bet-rehob. Te danetic la xcha'pasic te lume, tey jilic ta nainel a.

1 Samuel 13:4

Spisil israeletic la yaiyic te bit'il te Saúl la slajin te jchajp soldado-filisteoetic, te ja' swentail te mero jajch'em slab yo'tanic ta stojol hebreoetic te filisteoetique. Ja' yu'un te soldadoetic la stsob sbaic soc Saúl ta Gilgal.

1 Samuel 27:12

Te Aquis jun yo'tan ta stojol, jich la yal ta yo'tan: “Te David jc'axel ilaybil yac ta c'oel yu'un te slumal Israel. Ya me cabatin spisil ora”, xi' yu'un.