2 Samuel 1:2 - Bible in Tzeltal de Oxchuc y Tenejapa

² Pero ta yoxebal c'aal ay c'ot jtul winic jajch' ta campamento yu'un Saúl. Ch'i'umtic nax sc'u'-spac' soc la smuc sba ta ts'ubil lum, swenta seña mel-o'tan. C'alal jul ta stojol David, la spajc'an sba c'alal ta lum swenta yich'el ta muc' te David.

Bible in Tzeltal Bachajón

² ta yoxebal c'ahc'al c'oht jtuhl winic te hahch tal ta campamento yu'un Saúl, ch'i'emtic sc'u' spac' soc ya'tinej ts'u'lum sjol a. C'alal c'oht ta stojol David, la spahcan sba ta lum scuenta yich'el ta muc' te David.

2 Samuel 1:2 ပူးပေါင်းရင်းမြစ်များ

Génesis 22:4

Ta yoxebal c'aal sbeenel a, la stoy sit te Abraham, chicanix la yil te banti albot yu'un te Diose.

Génesis 37:29

C'alal tal yil te pozo te Rubén, ma ba la sta tey a te José. Bayal la smel yo'tan, la xch'i' sc'u' yu'un.

Génesis 37:34

Jich yu'un te Jacob la xch'i' sc'u' yu'un, la slap xch'ixal pac' yu'un mel-o'tan. Bayal c'aal la yoq'uetay te snich'ane.

Génesis 43:28

La yalbeyic: —Lec ay te jtatic cu'untic, te awabaton soque. Cuxul to —xiic. La stinan xan sbaic coel c'alal ta lum.

2 Samuel 1:3

Jojc'obot yu'un: —¿Banti talemat? —la yut. La sjac' te winique: —Colemon loq'uel tel ta c'abal ta campamento yu'un Israel —xi'.

2 Samuel 13:19

Pero la yac' stanul c'ajc' ta sjol, la sjats te snajt'il c'u' slapoje. Xchebal sc'ab smojt'esej ta sjol, yac ta oq'uel bael ta xch'ixil be.

2 Samuel 14:4

te ants talem ta Tecoa bajt' ta stojol te muc' ajwalile. La stinan sba coel c'alal ta lum, la yac'bey sta lum te sti'ba swenta seña yich'el ta muc', jich la yalbey: —Wocoluc, muc' ajwalil, coltayawon —xi' c'oel.

2 Samuel 15:32

C'alal c'ot ta ba wits te David te banti ya yich' ch'uunel Dios, loc' tel ta stojol te Husai te sts'umbal arquitaetic, jatsem sc'u' soc scojt'ol lum sjol.

2 Samuel 24:20

Te Arauna yac ta yilel bael ta c'ubul c'alal la yil te yac ta talel ta stojol te muc' ajwalil soc te abatetic yu'une. Ja' yu'un te Arauna noptsaj bael, la stinan sba coel c'alal ta lum ta stojol te muc' ajwalil,

2 Samuel 4:10

Te c'alal tal ta jtojol jtul winic, la scuy te buen lec te bi tal yalbone. Tal yalbon caiy te lajix te Saule. Te bi la yalbone, ja' nax tuun yu'un a te la jtsac, la jmil tey ta lum Siclag.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

Ester 5:1

C'alal c'ax oxeb c'aal, te Ester la slap te sc'u' swenta antsil-ajwalile. Och bael ta yamaq'uil ta yutil spalacio te muc' ajwalil, ba stejc'an sba ta stojol sala ta banti nacal ta smuc'ul nactijib te muc' ajwalile.

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Ezequiel 27:30

Ya me xtoy sc'opic yu'un, ya me x'oq'uic yu'un xc'uxul ta awenta. Ya me smojt'es ts'ubil lum ta sjolic, soc ya me sbalan sbaic ta tan.

Oseas 6:2

Ora nax ya yac' xbujts'naj q'uinal caiytic; ya xjachotic jajch'el yu'un ya yac' xcuxinotic ta stojol.

Joel 2:13

Sujt'anic tel ta stojol te Awajwalic, te Dios awu'unique. Jatsaic jichuc pac' te awo'tanique, ma ja'uc x'ajatsic te ac'u'ique. Melel te Cajwaltique, sts'ujetotic ta yo'tan, ya sna' yo'bolil jbajtic; ay perdón ta yo'tan stuquel, mero c'uxotic ta yo'tan. Spisil ora ya xju' yu'un te ya slajinbey sc'oplal te castigoe.

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

1 Samuel 20:41

Te c'alal bajt' te abate, ora loc' tel ta spat busul ton te David. C'alal c'ot ta stojol te Jonatán, oxeb buelta la stinan sba coel c'alal ta lum ta stojol. Patil la sbujts'i sbaic, pajal la yoq'uetay sbaic, pero ja' bayal oc' te David.

1 Samuel 25:23

Te c'alal la yil David te Abigail, ora co ta sburro, la stinan sba coel c'alal ta lum ta stojol te David, seña yich'el ta muc' yu'un.

1 Samuel 4:12

Pero ay jtul soldado sts'umbal Benjamín te ju' yu'un te loc' ta anel ta yolil te guerrae. Bajt' ta animal, jun nax c'aal c'ot c'alal ta Silo, jatsemtic sc'u' soc yac'oj lum ta sjol swenta seña mel-o'tan.

1 Samuel 4:16

Jich c'o yalbey: —Julelon to, tojon tel ta campo ta banti yacal guerra. Colon loq'uel tel ta yolil te guerra —xi'. La sjojc'obey te Elí, jich la yal: —¿Bi c'oem ta pasel jiche, jnich'an? —xi'.