2 Samuel 1:1 - Bible in Tzeltal de Oxchuc y Tenejapa

¹ Te c'alal lajix te Saúl, te David cha'bajt' xan ta Siclag te c'alal la stsalix a te amalequetic, tey jalaj cheb c'aal a.

Bible in Tzeltal Bachajón

¹ Te c'alal lajix a te Saúl, te c'alal suhtemix tal a te David ta Siclag ta stsalel te amalequetic, tey ay cheb c'ahc'al a;

2 Samuel 1:1 ပူးပေါင်းရင်းမြစ်များ

Génesis 14:7

Sujt'ic tel te Quedorlaomer soc te mach'atic sjoinej sba soc, c'otic ta Enmispat, te Cades yan sbiile. La sjinic te c'alal c'axic tel spisil te sq'uinal amalequetic, soc te sq'uinal amorreoetic te nainemic ta lum Hazezón-tamar.

1 Samuel 27:6

Te Aquis ora la yac'bey ta swenta te lum Siclag. Ja' yu'un c'alal ora te lum Siclag, yu'un muc' ajwalil ta Judá.

1 Samuel 30:1

Ta yoxebal c'aal te David soc te swinictac c'otic ta Siclag. C'alal c'otic, la yilic te yich'ojix ochintayel yu'un amalequetic te Neguev. Soc la yuts'inic te yajwal lum Siclag, la sjinic jilel, la yac'bey jilel sc'aal.

1 Samuel 31:4

Ja' yu'un te Saúl la yalbey te jcuch-at'ejibal ta guerra yu'une: —Loq'uesa te apuñal, milawon a, swenta yu'un ma ja'uc to ya xtal smilonic te mach'atic ma ba xch'uunejic te cuxul Diose, ya me yixlanbonic te jbaq'uetale —xi'. Pero te jcuch-at'ejibal ta guerra yu'une, ma ba la sc'an ya smil, yu'un mero bayal la xi'. Ja' yu'un te Saúl la stsac te spuñal, la xch'oj sba ta sni' spuñal.

1 Samuel 31:6

Jich c'ot te jun nax c'aal laj te Saúl, te oxeb snich'nab, te jcuch-at'ejibal ta guerra yu'un, soc ta spisil te swinictaque.