2 Juan 1:6 - Bible in Tzeltal de Oxchuc y Tenejapa

⁶ Te bit'il ay te xc'uxul co'tantique, ja' teme ya jch'uuntic spasel te bila la yalbotic ta mandal te Diose. Te smandal yalojbotique, ja' te bit'il ya sc'an te c'ux ya caiy jbatic ta jpisiltique. Jich te bit'il awaiyojic stojol ta xjajch'ibale.

Nuevo Testamento Tzeltal de Amatenango

⁶ Ya xchiknaj te xkꞌuxul koꞌtantik teme ya jchꞌuuntik spasel te tut ya yal te mantaliletik yuꞌun te Diose. Y te mantaliletike, jachik tutꞌil te awaꞌiyejikix desde ta slijkibal to tale, jaꞌ te ya xchiknaj ta akuxlejalik te xkꞌuxul awoꞌtanike.

Bible in Tzeltal Bachajón

⁶ Ha c'uxul-o'tanil ini: ha te hich ya xbehenotic te bin ut'il yaloj te mandariletic yu'une. Ha te mandar ini: te yac awa'iyic c'uxultaywanej hich te bin ut'il awa'iyejic ta shahchibal.

2 Juan 1:6 ပူးပေါင်းရင်းမြစ်များ

San Juan 14:15

“Soc teme c'uxon ta awo'tanique, ya me ach'uunbonic spisil te jmandale.

San Juan 14:21

Te mach'a yich'ojbon te jmandale, soc teme ya xch'uune, ja' me te mach'a c'uxon ta yo'tane. Te mach'a c'ux ya yaiyon ta yo'tane, c'ux me ya x'aiyot yu'un uuc te Jtate. C'ux me ya caiy ta co'tan uuc, soc ya me cac' sna'bonic jba ta lec —xi' te Jesuse.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

Deuteronomio 13:4

Ja' nax xat'unic soc ja' nax x'awich'ic ta muc' stuquel te Cajwaltic te Dios cu'untique. Ch'uunaic spasel te mandaliletic yu'une, aiybeyaic te sc'ope, ch'uunaic. Jun me xawac' abaic soc te Cajwaltic, ac'a me swentainbeyex acuxlejalic.

1 Juan 2:24

Te bila awaiyojic stojol ta xjajch'ibal tele, jc'axel ainuc me ta awo'tanic. Teme jc'axel ya awac' ta awo'tanic te bila la awaiyiquix stojol ta xjajch'ibale, jich me jc'axel jun ayex soc te Nich'anile soc te Tatile.

1 Juan 2:5

Yan teme ay mach'a xch'uunej te bila la yal te Diose, yu'un nanix ayix xc'uxul yo'tan ta melel. Jich ya jna'tic stojol te jun c'oemotiquix soc te Diose.

1 Juan 2:7

Quermanotac, ja'ex te bayal c'uxex ta co'tane, ma ach' mandaliluc te la jts'ibubeyexe. Ja' nix te namey mandalil te awaiyojic stojol ta xjajch'ibal toe. Soc ma yanuc, ja' nix te mandalil te la awaiyiquix stojole.

1 Juan 5:15

Teme jna'ojtic stojol te yaiyojbotic stojol te bila la jc'anbeytique, jich la jna'tic stojol te ja' la yac'botiquix te bila c'anbil cu'untique.

1 Juan 5:3

Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.

2 Juan 1:5

Ta ora to, me'tic, ya calbat wocol te c'ux me ac'a caiy jbajtic ta co'tantic ta jpisiltic. Te bit'il la jts'ibubat in to, ma ach' mandaliluc te la calbate. Ja' nix te caiyojtic stojol ta xjajch'ibal toe.