2 Juan 1:4 - Bible in Tzeltal de Oxchuc y Tenejapa

⁴ Bayal bujts'naj co'tan yu'un te awalatac, yu'un la quil te yacalic ta spasel te bi ya yal te smelelil c'ope, jich bit'il spasojotic ta mandal te Jtatic Diose.

Nuevo Testamento Tzeltal de Amatenango

⁴ Bayal sbujtsꞌ koꞌtan yuꞌun te jich a jul jtajtalan te awuntikil te jich xchꞌuunejik te tut batsꞌi jiche, jachik tutꞌil spasojotik ta mantal te Jtatik Diose.

Bible in Tzeltal Bachajón

⁴ Mero tse'el co'tan yu'un te la jta te ay awalatac te yaquic ta behel ta stojol te smelelil c'op, hich te bin ut'il pasbilotic ta mandar yu'un te Tatile.

2 Juan 1:4 ပူးပေါင်းရင်းမြစ်များ

Oseas 14:9

Te mach'atic ay sp'ijilic soc te ya sna'ic stojole, ac'a me yaiyic stojol te bila ya cale: Te beetic yu'un te Cajwaltic toj ay stuquel. Te mach'atic toj yo'tanic, ja' me ya st'unic; yan te mach'atic amenic, ya me sc'ojch'in sbaic tey a.

Malaquías 2:6

Te Leví la yaiy p'ijubteswanej yu'un te bila smelelil; soc ma'yuc bila amen loc' ta ye. Toj nax cuxin; lamal nax q'uinal yu'un ta jtojol. Tsobol la yac'bey snopic te ma ba ya spasic te bila amen ta pasele.

1 Corintios 13:6

Ma smulan te bila ma stojiluc te bila ay ta pasele, ja' ay sbujts' yo'tan yu'un te bila melele.

Gálatas 2:14

Ja'uc me to, te c'alal la quil te ma tojuc ya spasic te bi ya yal ta melel te lec yach'il c'ope, jich la calbey ta comonsitil te Pedroe: “Judio-winicat te ja'ate, ja'uc me to, ja' ya apasix te costumbre yu'un te jyanlumetique. ¿Bistuc ya ac'an asuj ta spasel te costumbre cu'untic te mach'atic jyanlumetique?”, xoon ta yalel.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Efesios 5:8

Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

Filipenses 4:10

Bayal sbujts' co'tan ta swenta Cajwaltic yu'un te bit'il la ana'onic xan yan buelta. Ma yu'unuc ya cal te ch'ayemon ta awo'tanique. Melel jna'oj stojol te yu'un ma wejt' awu'unic te bit'il ya ataonic ta coltayele.

1 Juan 2:6

Teme ay mach'a ya yal te jun ayix soc te Diose, jichuc me xcuxlejal te bit'il c'ax ta q'uinal stuquel te Jesucristoe.