2 Juan 1:3 - Bible in Tzeltal de Oxchuc y Tenejapa

³ Ac'a yac'beyex bayal yutsil yo'tan te Jtatic Dios soc te Cajwaltic Jesucristo, te Snich'an te Tatile. Ac'a me xc'uxtayex soc lamaluc me q'uinal awaiyic yu'un, ta swenta bit'il ay ta awo'tanic te smelelil c'ope soc te bit'il ay xc'uxul awo'tanique.

Nuevo Testamento Tzeltal de Amatenango

³ Te Dios te Tatile sok te Jesucristo te jaꞌ Xnichꞌan te Tatile, a me yaꞌbeyex te slekilal ta atojolik te jaꞌexe, sok a me xkꞌuxutayex, sok a me yaꞌbeyex te bujtsꞌan kꞌinale, sok te batsꞌi jiche, y sok te xkꞌuxul yoꞌtane.

Bible in Tzeltal Bachajón

³ Te yutsil-o'tanil, sc'uxul-o'tanil soc te lamal q'uinal yu'un te Jtatic Dios soc te Jesucristo, ha te Snich'an te Tatil, ac'a sjoquinotic ta mero melel soc ta scuenta c'uxul-o'tanil.

2 Juan 1:3 ပူးပေါင်းရင်းမြစ်များ

Zacarías 8:19

—Scomel we'eliletic ta swenta xchanebal u, yo'ebal u, sjuquebal u soc te slajunebal u, ya me xc'atp'uj ta swenta yutsil q'uinal yaiyic, soc ta buen t'ujbil q'uinetic yu'un te patil alnich'anetic yu'un Judá. Ja' me xamulanic jiche te bila smelelil, soc te lamal q'uinal awu'unique —xi' te Cajwaltique.

Romanos 1:7

Ya jpatbeyex awo'tanic ta apisilic te ayex ta lum Roma, te c'ux ya yaiyex ta yo'tan te Diose, soc te ic'bilex swenta ch'ul lum yu'un Dios ya xc'oex. Ayuc me yutsilal soc lamaluc me q'uinal ya awaiyic yu'un ta swenta te Jtatic Diose soc ta swenta te Cajwaltic Jesucristoe.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

1 Timoteo 1:14

Jich esmaj ta c'axem to xan ta jtojol te yutsil yo'tan te Cajwaltique, soc la yac'bon xch'uunjel co'tan soc xc'uxul co'tan ta swenta te Cristo Jesuse.

1 Timoteo 1:2

Ya jpatbat awo'tan, Timoteo, ja'at te mero jnich'anat ta swenta xch'uunjel co'tantic. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat, soc lamaluc me q'uinal ya awaiy yu'un spisil ora.

2 Timoteo 1:13

Ma me xawac' ch'ayuc ta awo'tan te lequil c'op te awaiyoj stojol cu'une. Jujun c'aal ayuc me xch'uunjel awo'tan soc xc'uxul awo'tan ta swenta te Cristo Jesuse.

1 Juan 4:10

Tey ya jna'tic stojol a te bit'il ay te xc'uxul yo'tan te Diose. Ma jo'ocotic te c'ux la caiytic ta co'tantic te Diose. Ja' c'ux la yaiyotic ta yo'tan stuquel. Jich la sticun tel te Snich'ane, la jelolintic ta stojel te jmultique.

2 Juan 1:1

Jo'on te ancianoone, ya jpatbat awo'tan, me'tic, te tsabilat yu'un Dios soc te awalataque. Bayal c'uxex ta co'tan ta melel. Soc ma jo'ocon nax jtuquel te c'ux ya caiyex ta co'tane. Ja' c'uxex ta yo'tanic uuc spisil te mach'atic yaiyojic stojol te smelelil c'ope.